ជើងឯក Super Cup ភ្នំពេញក្រោនទទួលបានប្រាក់រង្វាន់២៤លានរៀល
ភ្នំពេញក្រោនបានគ្រងតំណែងជើងឯក Cambodian Super Cup 2023 និងជាលើកទី២ជាប់ៗគ្នាក្រោយឈ្នះវិសាខា ដោយលទ្ធផល២ទល់នឹង១ ក្នុងការប្រកួតនៅថ្ងៃអាទិត្យ ទី៣០ ខែកក្កដា នាពហុកីឡដ្ឋានជាតិអូឡាំពិក។
នេះជាលើកទី២ជាប់ៗគ្នាហើយដែលភ្នំពេញក្រោនក្រសោបបានពានរង្វាន់បើករដូវកាលខាងលើ។ ភ្នំពេញក្រោនជាម្ចាស់ជើងឯកលីគកំពូលកម្ពុជា ២០២២ ខណៈវិសាខាជាម្ចាស់ជើងឯកសម្ដេចតេជោ ហ៊ុន សែន។
ដូច្នេះភ្នំពេញក្រោនទទួលបានប្រាក់រង្វាន់២៤លានរៀលសម្រាប់ការឈ្នះពាន Super Cup។
គួរបញ្ជាក់ថា ការប្រកួត Cambodian Premier League រដូវកាល២០២៣/២០២៤ នឹងចាប់ផ្ដើមពីថ្ងៃទី០៥ ខែសីហា ឆ្នាំ២០២៣ តទៅ៕
