Nottingham ខ្ចីបាន Keylor Navas ពី PSG
អ្នកចាំទីធ្លាប់លើកពាន UEFA Champions League ៣ដង Keylor Navas បានចូលរួមជាមួយ Nottingham Forest ក្នុងលក្ខខណ្ឌខ្ចីជើងពី Paris Saint-Germain ។
កីឡាករអន្តរជាតិកូស្តារីកាអាយុ៣៦ឆ្នាំនឹងចំណាយពេលដែលនៅសល់នៃរដូវកាល២០២២/២០២៣ នៅ Forest ។
Navas គឺជាកីឡាករទីបីក្នុងចំណោមសមាជិកថ្មី៣នាក់របស់ Nottingham នៅថ្ងៃចុងក្រោយនៃទីផ្សារដោះដូរកីឡាករខែមករា។
Forest បានទិញខ្សែការពារប្រេស៊ីល Felipe និងខ្សែបម្រើអង់គ្លេស Jonjo Shelvey ក្នុងតម្លៃមិនបង្ហាញពី Atletico Madrid និង Newcastle United រៀងគ្នា៕
