(BC-99)

ទន្ទឹម​នឹង​ការ​ស្រឡាញ់​ដោយសារ​តែ​មាន​សមត្ថភាព​ជា​អ្នក​ដឹក​នាំ​ក្រុម​បាល់​ទាត់​កំពូលៗ​ក៏​មាន​សំណួរ​ចង់​ដឹង​ពី​ការ​បន្ត​អាជីព​ដល់​ពេល​ណា​ទៀត​ដែរ ហើយ​លោក Pep Guardiola គ្រូបង្វឹករបស់ក្រុម Manchester City បាន​ឆ្លើយ​ថាលោកគ្មានផែនការសម្រាប់ការចូលនិវត្តន៍ទេ។

ជាការពិតណាស់លោក Guardiola ដឹក​នាំ​ការប្រកួតចំនួន​ ៧០០ ដង​មក​ហើយ​ក្នុងនាមជាអ្នកចាត់ការម្នាក់ លោក​បាន​និយាយថាលោកចង់គ្រប់គ្រងការ​ប្រកួត​ចំនួន​ ៧០០ ដង​ថែម​ទៀតឱ្យ​បានមុនពេលចូលនិវត្តន៍។

លោក Guardiola បាននិយាយថា “មែនហើយ ៧០០ ប្រកួតហើយខ្ញុំនឹងធ្វើ ៧០០ ទៀតហើយបន្ទាប់មកខ្ញុំនឹងចូលនិវត្តន៍។ វាល្អណាស់នៅពេលដែលអ្នកចាប់ផ្តើមធ្វើ​វា​បាន​ទាំង​អ្នកមិនដែល​រំពឹងថានឹងមានអ្វីកើតឡើង។ វាពិតជាល្អណាស់ដែលមានការប្រកួតចំនួន ៧០០ និងអរគុណសម្រាប់កីឡាករនិងបុគ្គលិកទាំងអស់ទាំង​នៅបាសេឡូណានិងនៅទីនេះរួម​ទាំង​កន្លែង​ផ្សេងទៀត។ វាជាចំនួនមិនគួរអោយជឿ សូមអរគុណ​ដល់​អ្នក​ទាំងអស់ដែលបាន​ចូល​រួម​សហការណ៍​”។

គួរ​បញ្ជាក់​ថា​ក្នុង​ចំណោម​ក្លឹប​ដែល​លោក​បាន​ដឹក​នាំ​សរុប​ចំនួន​ ៧០០ ប្រកួត​កន្លង​មក​នេះ​លោក​បាន​ជួយ​ឱ្យ Barcelona ឈ្នះ​ពាន La Liga ៣ សម័យ​ជាប់​គ្នា ឈ្នះ​ពាន Copa Del Rey ២ សម័យ ឈ្នះ​ពាន UEFA Champions League ២ សម័យ ពាន UEFA Super Cup ២ សម័យ និងពាន FIFA Club World Cup ២​សម័យ​ផង​ដែរ។ នៅ​ឯ​អាឡឺម៉ង់​ឯណោះ​វិញ​លោក​ក៏បានជួយឱ្យ Bayern Munich ឈ្នះពាន​កំពូល Bundesliga ៣​សម័យ​ជាប់​គ្នាដែរ ពាន​រង្វាន់​ផ្សេងទៀត​មាន​ដូច​ជា DFB Pokal ២សម័យ ឈ្នះពាន​រង្វាន់ UEFA Champions League ម្តង ពានរង្វាន់ UEFA  Super Cup ម្តងនិង FIFA Club World Cup ម្តង។ នៅ​ជា​មួយ​ Manchester City ដែល​ជា​ក្លិប​របស់​លោក​កំពុង​កាន់​កាប់​នា​ពេល​បច្ចុប្បន្ន​លោក​ក៏​បាន​ជួយ​ឱ្យ​ឈ្នះ Premier League ២ ដង FA Cup ម្តងនិង EFL Cup ៣​ដង​ដែរ។