Manchester United នឹងធ្វើជាម្ចាស់ផ្ទះទទួលក្រុម Charlton Athletic របស់ League One ក្នុងវគ្គ ១/៤ ផ្តាច់ព្រ័ត្រនៃពានរង្វាន់ Carabao Cup ។

Charlton គឺជាក្រុមតែមួយគត់មិននៅក្របខណ្ឌ Premier League ដែលនៅសេសសល់ក្នុងការប្រកួតនេះ បន្ទាប់ពីបានផ្តួលក្រុម Brighton ដោយបាល់ប៉េណាល់ទីក្នុងជុំទី ៤ កាលពីថ្ងៃពុធ។

ក្រុមម្ចាស់ជើងឯកប្រាំបីសម័យកាល Manchester City នឹងប្រកួតជាមួយក្រុម Southampton ក្រោយផ្តួលក្រុមម្ចាស់ជើងឯក Liverpool ក្នុងលទ្ធផល ៣-២ ។

Nottingham Forest នឹងស្វាគមន៍ Wolves ខណៈ Newcastle ប៉ះ Leicester City ។

ការ​ប្រកួត​វគ្គ​១/៤​ផ្តាច់​ព្រ័ត្រ​នឹង​ប្រព្រឹត្ត​ទៅ​ក្នុង​សប្តាហ៍​ដែល​ចាប់​ផ្តើម​នៅ​ថ្ងៃ​ទី០៩ ខែ​មករា ឆ្នាំ២០២៣៕