Real Madrid បានខកខានឱកាសវិលទៅកំពូលតារាង La Liga ក្រោយចាញ់ Rayo Vallecano ដោយលទ្ធផល៣ទល់នឹង២ ក្នុងការប្រកួតសប្ដាហ៍ទី១៣ នៅថ្ងៃចន្ទ ទី០៧ ខែវិច្ឆិកា ឆ្នាំ២០២២។

ក្រុមម្ចាស់ផ្ទះ Vallecano បាននាំមុខមុនក្នុងនាទីទី០៥ពីការពែនបញ្ចូលទីដោយខ្សែការពារ Alejandro Catena។

Modric បានទាត់ពិន័យ១១ម៉ែត្រតាមស្មើក្នុងនាទី៣៧ ក្រោយ Marco Asensio ត្រូវបានធ្វើឲ្យដួលក្នុងតំបន់អ្នកចាំទី។

ដល់នាទី៤១ ខ្សែការពារ Eder Militao តែតឲ្យ Real Madrid នាំមុខវិញម្ដង។ ប៉ុន្តែដល់នាទី៤៤ Alvaro Garcia គូសមួយជើងឆ្វេងឲ្យ Vallecano តាមស្មើ។

ដល់នាទី៦៤ បាល់បានប៉ះដៃខ្សែការពារ Dani Carvajal ក្នុងប្រអប់អ្នកចាំទី។ ក្រោយពិនិត្យឃើញកំហុសប្រាកដមែន អាជ្ញាកណ្ដាលបានសម្រេចផ្ដល់បាល់១១ម៉ែត្រដល់​ Vallecano។ Oscar Trejo បានទាត់១១ម៉ែត្រ មិនចូល តែក្រោយពិនិត្យ V.A.R ឃើញថា អ្នកចាំទី Thibaut Courtois លោតមុន អាជ្ញាកណ្ដាលក៏ឲ្យទាត់ម្ដងទៀត។ ម្ដងនេះ Trejo ធ្វើបានសម្រេច។

ដូច្នេះ Real Madrid ឈរលេខ២ មាន៣២ពិន្ទុដដែល ពីការប្រកួត១៣លើក ក្រោមក្រុមកំពូលតារាង Barcelona ២ពិន្ទុ៕