UEFA បាន​បញ្ជាក់​ថា រុស្សី​ត្រូវ​បាន​ហាម​មិន​ឱ្យ​ចូល​លេង​ក្នុង​វគ្គ​ជម្រុះ Euro 2024 បន្ទាប់​ពី​ការ​លុកលុយលើ​អ៊ុយក្រែន។

ក្រុមជម្រើសជាតិ និងក្លិបរបស់ប្រទេសនេះត្រូវបានហាមឃាត់ពីការប្រកួតកម្រិត UEFA និង FIFA ចាប់តាំងពីជម្លោះបានចាប់ផ្តើមក្នុងខែកុម្ភៈ។

ការចាប់គូវគ្គជម្រុះសម្រាប់ Euro 2024 ដែលនឹងធ្វើជាម្ចាស់ផ្ទះដោយអាល្លឺម៉ង់ នឹងប្រព្រឹត្តទៅនៅក្រុង Frankfurt នៅថ្ងៃទី០៩ ខែតុលា។

ប្រទេសរុស្ស៊ីបានប្តឹងឧទ្ធរណ៍ប្រឆាំងនឹងបម្រាមនេះទៅកាន់តុលាការអាជ្ញាកណ្តាលសម្រាប់កីឡា (CAS) ប៉ុន្តែត្រូវបានច្រានចោលនៅក្នុងខែកក្កដា។

ការសម្រេចចិត្តដំបូងក្នុងការហាមឃាត់ក្រុមរុស្ស៊ីត្រូវបានធ្វើឡើងដោយគណៈកម្មាធិការប្រតិបត្តិរបស់ UEFA នៅថ្ងៃទី២៨ ខែកុម្ភៈ ឆ្នាំ២០២២ ហើយបន្ទាប់មកត្រូវបានតម្កល់ដោយតុលាការអាជ្ញាកណ្តាលសម្រាប់កីឡានៅថ្ងៃទី១៥ ខែកក្កដា៕