Barcelona បាន​ត្រៀម​នាំយក​កីឡាករ​ខ្លួន​៤​រូប​ឡើង​ប្តឹងផ្តល់​នៅ​តុលាការ បើ​ពួក​គេ​មិន​យល់ព្រម​លុប​ចោលការ​បន្ត​កុងត្រា​ថ្មី ដែល​បាន​ចុះហត្ថលេខា​កាលពី​២​ឆ្នាំ​មុន​។

កីឡាករទាំង៤រូប ដែលកំពុងមានបញ្ហាគឺ ខ្សែបម្រើ Frenkie de Jong, ខ្សែការពារ Gerard Pique, ខ្សែការពារ Clement Lenglet និង​អ្នកចាំទី Marc-Andre ter Stegen។

ពួកគេ​បាន​ចុះហត្ថលេខា​​បន្ត​កុងត្រា​ថ្មីក្នុង​ឆ្នាំ2020 ដោយ​យល់ព្រម​កាត់​បន្ថយ​ប្រាក់​ឈ្នួល ដើម្បី​ជួយ​សម្រួល​ក្លិប​ដែល​កំពុង​ជួប​វិបត្តិ​ហិរញ្ញវត្ថុ ​តែក៏មាន​លក្ខខណ្ឌ​នឹង​ផ្តល់​ប្រាក់​ឈ្នួល​​ដូច​ដើម​វិញ​សម្រាប់​កិច្ចសន្យា​ថ្មីនៅ​១​ឆ្នាំ​បន្ទាប់​។

ឥឡូវនេះ ក្រុមប្រឹក្សាភិបាល​បច្ចុប្បន្ន​ដឹកនាំ​ដោយ​ប្រធានក្លិបលោក Joan Laporta បាន​រក​ឃើញ​ភស្តុ​តាងមិនប្រក្រតីនៃការបន្តកុងត្រាថ្មីរបស់កីឡាករទាំង៤រូប។ ក្លិបបាន​​​បញ្ចុះបញ្ចូល​ ពួកគេ​​លុប​ចោល​កុងត្រា​ថ្មីឬ​បោះបង់​ការ​ដំឡើង​ប្រាក់​ឈ្នួល​ តែបើ​កីឡាករ​ទាំង​៤​មិន​យល់ព្រម នោះ​ក្លិប​នឹង​ត្រូវ​រៀបចំ​សំណុំ​ឯកសារ​ទៅ​កាន់​ការិយាល័យ​ព្រះរាជអាជ្ញា​តែ​ម្តង​។

អត្ថបទ ៖ F11