Werner ទៅដល់ Leipzig ដើម្បីពិនិត្យសុខភាពមុនសម្រេចការផ្លាស់ពី Chelsea
Timo Werner បានទៅដល់ក្រុង Leipzig ហើយមុនសម្រេចការចាកចេញពី Chelsea ជាទីរូបគេចំណាយពេល២រដូវកាល។
ភាគី Chelsea និង RB Leipzig បានព្រមព្រៀងលើការផ្ទេរ Werner ទៅ Bundesliga វិញក្នុងរង្វង់ទឹកប្រាក់២៥លានផោន ហើយខ្សែប្រយុទ្ធអាល្លឺម៉ង់រូបនេះនឹងពិនិត្យសុខភាពនៅថ្ងៃអង្គារ ទី០៩ ខែសីហា នេះមុនប្រកាសជាផ្លូវការ។
Werner វ័យ២៦ឆ្នាំបង្ហាញសមត្ថភាពគួរកត់សម្គាល់ក្នុងរយៈ៤ឆ្នាំនៅ Leipzig ដោយរកបាន៩៥គ្រាប់ពីការចូលលេង១៥៩ប្រកួត។
ដោយឡែកការលេងនៅ Chelsea មួយឆ្នាំចុងក្រោយនេះ គេមិនសូវទទួលបានទំនុកចិត្តពីអ្នកចាត់ការ Thomas Tuchel ទេ ហើយថែមទាំងមិនស្ថិតក្នុងគម្រោងរដូវកាលថ្មីនេះថែមទៀត៕
