តុលាការការរុស្ស៊ី បានសម្រេចកាត់ទោលកំពូលកីឡាការិនីបាល់បោះអាមេរិក Brittney Griner អោយជាប់ពន្ធនាគាររយៈពេល៩ឆ្នាំ និងពិន័យជាប្រាក់ ១ម៉ឺន ៦ពាន់ដុល្លារ ពីបទពាក់ព័ន្ធនឹងគ្រឿងញៀន។

កីឡាការិនី​ឆ្នើម​របស់​សមាគម​កីឡាបាល់បោះ​ជាតិ​ស្ត្រី​អា​មេ​រិ​ក WNBAវ័យ​៣១​ឆ្នាំ​រូប​នេះ ត្រូវ​បាន​ឃុំខ្លួន​អស់​រយៈពេល​ជាង​៥​ខែ​មក​ហើយ​ បន្ទាប់​ពី​នាង​ត្រូវ​បាន​ឃាត់ខ្លួន នៅ​ថ្ងៃ​ទី​១៧ ខែកុម្ភៈ នៅ​ឯអាកាស​​យានដ្ឋាន​ទីក្រុង​ម៉ូ​ស្គូ​ ក្រោយ​រក​ឃើញ​មាន​បារី​អេ​ឡិច​ត្រូ​និ​ច Vaporizer ផ្ទុក​ប្រេង Hashish ដែល​ជា​សារធាតុ​ខុសច្បាប់​នៅ​រុ​ស្ស៊ី នៅ​ក្នុង​វ៉ា​លី​របស់​នាង​។​

ជុំវិញ​បញ្ហា​នេះ អ្នកនាំពាក្យសន្តិសុខជាតិរបស់សេតវិមានលោក John Kirby បាន​បញ្ជាក់​ថា អាជ្ញាធរអាមេរិកកំពុងស្នើសុំទៅអាជ្ញាធររបស់រុស្ស៊ីក្នុងការនាំខ្លួនកីឡាការិនី Brittney Griner ដោយធ្វើការដោះដូរជាមួយអ្នកទោសពាក់ព័ន្ធនឹងការជួញដូរអាវុធពីរុស្ស៊ី Viktor Bout ដែលត្រូវជាប់ពន្ធនាគារ២៥ឆ្នាំនៅលើទឹកដីអាមេរិក។

អត្ថបទ៖ F11