ខ្សែបម្រើ Riqui Puig របស់ Barcelona បានឈានដល់កិច្ចព្រមព្រៀងក្នុងការផ្លាស់ទៅចូលរួមក្លិប Los Angeles Galaxy នៅលីគកំពូលអាមេរិក Major League Soccer។​

អ្នកចាត់ការ Barcelona លោក Xavi មិនបានដាក់បញ្ចូល Puig ក្នុងគម្រោងរបស់លោកនោះទេ ហើយក្លិបបានអនុញ្ញាតឲ្យគេ ចាកចេញដោយ​មិនមានតម្លៃខ្លួន។ សម្រាប់ការផ្ទេររបស់ Riqui Puig នេះដែរ ក្លិប Barcelona នឹងមានសិទ្ធិទិញយកកីឡាករវ័យ២២ ឆ្នាំត្រឡប់មកវិញ ហើយមានសិទ្ធិ ៥០ភាគរយ នៃប្រាក់ចំណូលពីការលក់រូបគេនាពេលអនាគត។

សម្រាប់តម្លៃ មិនត្រូវបានបញ្ចេញអោយដឹងនោះទេ ប៉ុន្តែភាគីក្លិប Los Angeles Galaxy បានបង្ហើបពីរយៈពេលកុងត្រាដែល Riqui Puig នឹងទទួលបានគឺ៣ឆ្នាំកន្លះ ពោលគឺដល់ឆ្នាំ២០២៥។

-អត្ថបទ F11