ខ្សែ​បម្រើ​ Christian Eriksen បានយល់​ព្រម​មក​ចូល​រួម​លេង​ជា​មួយ​ក្លឹប​ Manchester United ហើយ​ចាប់​ពី​រដូវកាល​ថ្មី​តទៅ​។ នេះ​បើ​យោង​តាម​ការ​ចុះ​ផ្សាយពី​កំពូល​អ្នក​កាសែតល្បីឈ្មោះ​ Fabrizio Romano ​។

អាជីពរបស់ Christian Eriksen វ័យ៣០ឆ្នាំ បានរង្គោះរង្គើ ពេលដែលរូបគេបានមានបញ្ហាបេះដូង ពេលលេងអោយក្រុមជម្រើសជាតិដាណឺម៉ាក នៅពានរង្វាន់ UEFA Euro 2020។ ក្រោយមកកាន់ Man United គេក៏មានការរអាក់រអួលខ្លះដែរដោយសារតែ Spurs ក៏ចាប់អារម្មណ៍យករូបគេទៅវិញតែ Spurs មានជម្រើសច្រើន ហើយមានតែ Man United ទេដែលហ៊ានអោយកិច្ចសន្យាដល់ទៅ៣ឆ្នាំឯណោះដល់រូបគេ ស្របពេលនោះដែរក្រុមគ្រួសារ Eriksen ក៏ពេញចិត្តការរស់នៅអង់គ្លេសផងដែរទើបគេមិនចង់ទៅលេងក្រៅពីអង់គ្លេស។ 

កីឡាករ​ដាណឺម៉ាកនឹង​ចុះ​កុងត្រា​ជា​មួយ​ក្រុម​បិសាចក្រហម​រយៈពេល​ ៣ឆ្នាំ​ចាប់​ពី​រដូវកាល​ឆ្នាំ​២០២២–២៣ រហូត​ដល់​ថ្ងៃ​ទី​៣០ ខែ​មិថុនា​ ឆ្នាំ​២០២៥។

អត្ថបទ F11