Spurs ប្រកាសនាំចូល Richarlison ជាផ្លូវការហើយ
សារព័ត៌មាន BBC រាយការណ៍ថា ខ្សែប្រយុទ្ធប្រេស៊ីល Richarlison បានចូលរួមជាមួយ Tottenham Hotspur ជាផ្លូវការហើយ លើតម្លៃផ្ទេរខ្ទង់៦០លានផោន។
កីឡាករវ័យ២៥ឆ្នាំរកបាន១០គ្រាប់ និង assist ៥ដង រួមចំណែកជួយ Everton គេចផុតពីតំបន់កាត់ចោលរដូវកាលមុន។ សរុបមកគេរកបាន៤៣គ្រាប់ពីការប្រកួត១៣៥លើកនៅ Premier League សម្រាប់ Everton។
Richarlison បានទៅដល់អង់គ្លេសដំបូង កាលឆ្នាំ២០១៧ ពេលគេត្រូវ Watford ទិញពី Fluminense ក្នុងតម្លៃ១១លាន៥សែនផោន៕
