ក្លិបបាល់ទាត់ Manchester City បានផ្ញើសារសូមអភ័យទោសដល់ Liverpool បន្ទាប់ពីអ្នកគាំទ្រ​ខ្លួនធ្វើសកម្មភាពឌឺដងដល់ក្រុមរហស្សនាមហង្សក្រហមអំឡុងឧទ្ទិសដល់ព្រឹត្តិការណ៍ Billsborough មុនកែបាល់ទាត់ប្រកួត FA Cup វគ្គពាក់កណ្ដាលផ្ដាច់ព្រ័ត្រ នៅថ្ងៃសៅរ៍ ទី​១៦ ខែមេសា។

សារព័ត៌មាន the Guardian រាយការណ៍ថា ថ្នាក់ដឹកនាំក្លិបក៏បានថ្កោលទោសលើទង្វើមិនសមរម្យដែលបង្កឡើងដោយអ្នកគាំទ្រជ្រុលនិយមមួយចំនួនដែរ។ ពេលកីឡាករ Liverpool កំពុងតែស្មឹងស្មាធ១នាទី ស្រាប់តែមានការស្រែកឌឺដង។ ឃើញបែបនេះអាជ្ញាកណ្ដាលក៏ព្យាយាមបញ្ចប់សកម្មភាពស្មឹងស្មាធឲ្យបានឆាប់។

Manchester City សរសេរ “៖ Man City ពិតជាខកចិត្តខ្លាំងចំពោះសកម្មភាពអ្នកគាំទ្រ មុនការប្រកួត។ យើងសូមទោសចំពោះបញ្ហាទាំងនេះ។”

ក្រោយចប់ការប្រកួត លោក Jurgen Klopp បាន​ឆ្លើយតបថា បានទទួលការសូមទោសនេះហើយ។ លោកថា វាមិនពាក់ព័ន្ធនឹង Man City ទេ ដោយវាកើតឡើងពីបុគ្គលខ្លះដែលមិនយល់។

គួរដឹងដែរថា ហេតុការណ៍ Hillsborough ដែលជាការបាក់កន្លែងអង្គុយនេះកើតឡើងកាលថ្ងៃទី១៥ ខែមេសា ឆ្នាំ១៩៨៩ ក្នុងវគ្គពាក់កណ្ដាលផ្ដាច់ព្រ័ត្រ FA Cup រវាង Liverpool និង Nottingham Forest ដែលបានផ្ដាច់ជីវិតអ្នកគាំទ្រហង្សក្រហម៩៦នាក់៕