
ឆ្នាំនេះទិញកប់ ! Aston Villa ទិញបានខ្សែការពារម្នាក់ទៀតពី Arsenal
ក្លិប Aston Villa បានចុះហត្ថលេខាផ្ទេរខ្សែការពារ Calum Chambers ពីក្លិបរួមលីគ Arsenal ជាមួយនឹងកុងត្រារយៈពេល៣ឆ្នាំកន្លះ។
កីឡាករវ័យ២៧ឆ្នាំ ទទួលបានឱកាសលេងបានតែ៥លើកប៉ុណ្ណោះ សម្រាប់ Arsenal នៅរដូវកាលនេះ ស្របពេលដែលកិច្ចសន្យារបស់គេនឹងអស់សុពលភាពនៅរដូវក្ដៅខាងមុខ ហើយអាចចាកចេញដោយគ្មានតម្លៃផ្ទេរ។
គេជាកីឡាករទី៣ដែល ចូលរួម Aston Villa នៅក្នុងខែមករានេះ បន្ទាប់ពីការមកដល់របស់ Philippe Coutinho ដែលខ្ចីជើងពី Barcelona និង Lucas Digne ដែលផ្ទេរពី Everton ក្នុងតម្លៃ២៥លានផោន។
សូមបញ្ជាកថា Calum Chambers បានមកចូលរួម Arsenal កាលពីឆ្នាំ២០១៤ ដោយផ្ទេរចេញពីក្លិប Southampton។ គេនឹងមកជំនួសតំណែងរបស់ Axel Tuanzebe ដែលខ្ចីជើងពី Manchester United ហើយផុតកុងត្រាខ្ចីកាលពីដើមខែកន្លងមក៕
Monsoon –