Diogo Dalot ទទួល​បានការសរសើរចំពោះគុណផលដ៏ល្អរបស់គេក្នុងការប្រកួតពានរង្វាន់ FA Cup ជុំទី៣ ដែល Manchester United ទម្លាក់ Aston Villa ដោយលទ្ធផល ១ទល់នឹង០។

ក្នុងនាទី៣៥ Dalot ឈឺកជើង និងរកពេទ្យឲ្យជួយមើល។ អ្នកចាត់ការស្ដីទី លោក Ralf Rangnick បានឲ្យ Aaron Wan-Bissaka កម្ដៅសាច់ដុំដើម្បីត្រៀមប្ដូរជំនួស។ យ៉ាងណា Dalot អាចបន្តលេងបានដដែល។

ក្រោយឈ្នះ Aston Villa ក្រុមអ្នកគាំទ្រ​បានមើលឃើញថា Dalot ពិតជាមានបញ្ហារបួសមែន រហូតដល់រយៈធំឯណោះនៅផ្នែកខាងក្រោយកជើង ដែលទាមទារត្រូវដេរ។

អនាគតរបស់ Dalot នៅ Man UTD មានភាពល្អប្រសើរ ចាប់តាំងពីមានវត្តមានលោក Ralf Rangnick។ កីឡាករវ័យ២២ឆ្នាំលេងបាន៩ដងហើយក្នុងរដូវកាលនេះ និងអាចជួយ assist មិត្តរួមក្រុមបានថែមទៀត។

ដោយឡែក Man UTD ត្រូវឡើងទៅជុំទី៤ FA Cup ប៉ះ Middlesbrough៕