ក្រុមបាល់ទាត់នារីភ្នំពេញក្រោនបានយកឈ្នះក្រុមម្ចាស់ផ្ទះណាហ្គាវើលដ៍ ដោយលទ្ធផល ០ទល់នឹង២ ក្នុងការប្រកួតបាល់ទាត់ជើងឯកនារី រដូវកាល ២០២១/២០២២ នៅថ្ងៃអាទិត្យ ទី០៩ ខែមករា ឆ្នាំ២០២២។

ក្រុមទាំង២មានឱកាសច្រើនដូចគ្នាក្នុងវគ្គទី១ តែក្រុមភ្ញៀវភ្នំពេញក្រោនឯណោះទេដែលអាចរកគ្រាប់បាល់បញ្ចូលទីបានមុនក្នុងនាទី៤០ ដោយកីឡាការិនី ពឿន គន្ធា។ ចូលដល់វគ្គទីនាទី៨២ គាត ស៊ីវហ័ង បន្ថែមបានមួយគ្រាប់ទៀត។

ជ័យជម្នះនេះបន្តឲ្យភ្នំពេញក្រោនគ្រប់គ្រងកំពូលតារាងជាមួយកំណត់ត្រា១០០ភាគរយពីការប្រកួត៤លើក ពោលគឺឈ្នះទាំង៤ មាន១២ពិន្ទុ។ ចំណែកណាហ្គាវើលដ៍ ដែលឈ្នះ៣ប្រកួតដំបូង បានស្គាល់បរាជ័យលើកទី១។

សម្រាប់លទ្ធផលផ្សេងៗ បឹងកេតបានចាញ់សៀមរាប ០ទល់នឹង២, ព្រះខ័នរាជស្វាយរៀង ឈ្នះខេត្តកណ្ដាល១០ទល់នឹង០ និងកំពង់ឆ្នាំងចាញ់បាត់ដំបង ៣ទល់នឹង៦៕