ខ្សែការពារ Benjamin Mendy របស់ Manchester City ត្រូវបានតុលាការចោទប្រកាន់លើបទរំលោភ​សេពសន្ថវៈចំនួន៧ករណី ដោយរួមជាមួយ​បទ​បៀតបៀន​រាងកាយ​ស្ត្រី​ចំនួន១​ករណី​ទៀត​ផង​ដែរ។

អតីតសមាជិក AS Monaco ខាងលើត្រូវបានចោទប្រកាន់ជា​មួយ​មិត្តភ័ក្ដិ​ម្នាក់​របស់​ខ្លួន​គឺ​​ Louis Saha Matturie ដែលបុគ្គលទាំង២រូបនេះត្រូវបានកោះហៅទៅបំភ្លឺជាមួយចៅក្រមជាច្រើនលើកច្រើនសាររួចមកហើយ។

ជាក់ស្តែងបន្ទាប់ពីត្រូវបានចោទប្រកាន់ពីតុលាការលើករណីខាងលើនេះ កីឡាករសញ្ជាតិបារាំងត្រូវបាន Manchester City សម្រេចព្យួរមិនឱ្យចូលប្រកួតចាប់តាំងពីខែសីហាមកម្ល៉េះ ខណៈគ្រូបង្វឹក Pep Guardiola បានបដិសេធមិននិយាយអ្វីទាំងអស់ចំពោះរឿងក្តីនេះ ដោយទុកឱ្យអង្គចៅក្រមជាអ្នកកាត់ក្តី។

គួរឱ្យដឹងថា ខ្សែការពារ Benjamin Mendy កំពុង​ត្រូវ​បាន​ឃុំ​ខ្លួន​ជា​បណ្ដោះអាសន្ន​នៅ​ពន្ធនាគារ​មួយ​កន្លែង​នៅ​ទី​ក្រុង​ Liverpool ខណៈសេចក្ដី​សម្រេច​នៃ​រឿង​ក្ដី​របស់គេអាច​នឹង​ចេញសេចក្តីសម្រេច​​នៅ​ថ្ងៃ​ទី​២៤ ខែ​មករា ឆ្នាំ​២០២២ខាង​មុខ​នេះ។