កីឡាករជម្រើសជាតិកម្ពុជាបានធ្វើដំណើរទៅដល់ប្រទេស បារ៉ែនហើយសម្រាប់ត្រៀមចេញទៅប្រកួតជម្រុះ World Cup 2022 នៅបារ៉ែន បន្ទាប់ពីចេញដំណើរពីកម្ពុជាកាលពីយប់ថ្ងៃទី២៧  ។

យប់ថ្ងៃទី ២៩ ឧសភា នេះ ក្រុមជម្រើសជាតិកម្ពុជា បានធ្វេីដំណេីរមកដល់ប្រទេសបារ៉ែនហេីយ នឹងត្រូវបានយកសំណាកទៅពិនិត្យរួចរាល់។ បច្ចុប្បន្នក្រុមកំពុងធ្វេីចត្តាឡីស័កនៅសណ្ឋាគារ ដេីម្បីរង់ចាំលទ្ធផលនៃការធ្វេីតេស្តនៅថ្ងៃស្អែក ក្រោយទទួលបានលទ្ធផល នឹងចាប់ផ្ដេីមធ្វេីដំណេីរទៅហ្វឹកហាត់បាន។

គួរដឹងដែរថា ការប្រកួតជម្រុះ FIFA World Cup 2022 លើកនេះ មានតែមួយប្រទេសតាមពូលនីមួយទេដែលទទួលបានសិទ្ធិធ្វើម្ចាស់ផ្ទះដើម្បីទប់ស្កាត់កូវីដ១៩។ សម្រាប់ពូល C នឹងធ្វើឡើងនៅបារ៉ែន។
កម្ពុជាដែលស្ថិតនៅលេខ៥ប្រចាំពូល C និងមានតែមួយពិន្ទុពីការប្រកួត៥លើកមកនោះ នឹងត្រូវប៉ះបារ៉ែនថ្ងៃទី០៣ ខែមិថុនា, ជួបអ៊ីរ៉ាក់ថ្ងៃទី០៧ មិថុនា និងអ៊ីរ៉ង់ ថ្ងៃទី១១ ខែមិថុនា៕