១-( Paul Pogba )អ្វីដែលជាព័ត៌មានគួរឱ្យភ្ញាក់ផ្អើលចេញពីប្រទេសអ៊ីតាលី នោះគឺអតីតគ្រូបង្វឹកក្លឹបសេះបង្កង់ Juventus លោក Antonio Conte មានបំណងចង់បាន Paul Pogba មកកាន់ក្លិប Inter Milan ។ អ្នកទាំងពីរធ្លាប់បានផ្សារភ្ជាប់ទំនាក់ទំនងដ៏ល្អប្រសើរជាមួយគ្នាក្នុងអំឡុងពេល ពួកគេនៅឯក្រុម Juventus គ្រូបង្វឹកជនជាតិអ៊ីតាលីរូបនេះ ត្រូវបានគេជឿជាក់ថាមានបំណងចង់នាំ អតីតកូនសិស្សរបស់លោកមកកាន់ទឹកដីអ៊ីតាលីសារជាថ្មី ស្របពេលដែលលោក Conte ទើបតែបានជួយអោយ Inter Milan លើកពានអ៊ីតាលីក្នុងរដូវកាលនេះ។

គួររំលឹកថា Pogba ត្រូវបានគេផ្សារភ្ជាប់ម្តងហើយម្តងទៀតជាមួយនឹងការចាកចេញពី Old Trafford ព្រោះកិច្ចសន្យារបស់គេនឹងត្រូវផុតកំណត់នៅរដូវក្តៅខាងមុខនេះ។ ជាមួយគ្នានេះ Manchester United កំពុងព្យាយាមចរចារលើប្រាក់ខែរបស់ Pogba ម្តងហើយម្តងទៀត ដើម្បីអោយរូបគេចុះកិច្ចសន្យាថ្មី។ ទោះជាយ៉ាងណា បើយោងតាមរបាយការណ៍ក៏បានបន្ថែមទៀតថា Inter អាចមានសមត្ថិភាពក្នុងការទិញយក Pogba នៅរដូវក្តៅនេះដោយសារតែស្ថានភាពហិរញ្ញវត្ថុរបស់ពួកគេគ្រាន់បើជាងមុន។

២- (Jadon Sancho) ឥឡូវនេះក្រុមបិសាចក្រហម Manchester United កំពុងបន្តការចរចារជាមួយ Dortmund ក្នុងការស្វែងរកវិធីណាមួយដើម្បីទិញយក Jadon Sancho ជាមួយគ្នានេះ បើតាមរបាយការណ៍ បិសាចក្រហមចង់ទិញ Sancho កាន់តែខ្លាំងហើយដោយក្នុងនោះចង់ទិញយកអោយបានមុខព្រឹត្តិការណ៍ EURO មកដល់ខាងមុខនេះ ។ ពួកគេបានត្រៀមខ្លួនរួចរាល់ហើយក្នុងការផ្តល់ជូនប្រហែល ៩០ លានផោនសម្រាប់ខ្សែបំរើស្លាបរបស់ Dortmund ។

៣-(Harry Kane)លុយបូកកីឡាករម្នាក់ដើម្បីយក Kane! បើយោងតាមសារព័ត៌មាន The Athletic បានអោយដឹងថាក្លឹបបិសាចក្រហម Manchester United គ្រោងនឹងផ្តល់ជូននូវកិច្ចព្រមព្រៀងជាទឹកប្រាក់បន្ថែមដល់កីឡាករ Tottenham គឺ Harry Kane ។ របាយការណ៍ដដែរ បានបង្ហាញថាបិសាចក្រហមអាចនឹងផ្តល់ជូន David de Gea, Jesse Lingard, Anthony Martial រឺក៏ Donny van de Beek ជាថ្នូរបន្ថែមយក Kane៕