ដូចបានដឹងហើយថា​ ភាពចម្រូងចម្រាសមួយបានផ្ទុះឡើងស្ដីពីគ្រាប់បាល់របស់ Cristiano Ronaldo ដែលត្រូវបានមើលឃើញថា ចូលទីស៊ែបទៅហើយ តែបែរអាជ្ញាកណ្ដាលមើលមិនឃើញ និងមិនអនុញ្ញាតឲ្យចូលទៅវិញ។

សំណួរក៏ត្រូវបានចោទគេចោទសួរពីរឿងបច្ចេកវិទ្យាជំនួយអាជ្ញាកណ្ដាល Video Assistant Referee ឬ Goal Line Tenchnology ថា ហេតុអ្វីមិនមានក្នុងវគ្គជម្រុះ FIFA World Cup។

ចម្លើយ គឺសាមញ្ញបំផុត ដោយសារាតែកីឡដ្ឋានមួយចំនួនមិនអាចបំពាក់បច្ចេកវិទ្យានេះបាន ទើប FIFA សម្រេចថា មិនដាក់គ្រប់កន្លែងតែម្ដង ដើម្បីភាពស្មើភាពគ្នា។ នេះបើតាមការចុះផ្សាយពីសារព័ត៌មាន Marca។

ក្រោយចប់៩០នាទី អាជ្ញាកណ្ដាលដឹកនាំការប្រកួតរវាងព័រទុយហ្គាល់ និងស៊ែប ក៏បានសូមទោសដល់ក្រុមលោក​ Fernando Santos ហើយគ្រូបង្គោលរូបនេះក៏បានទទួល​យកផងដែរ។ គ្រូបង្វឹកព័រទុយហ្គាល់ថា ច្បាស់ណាស់បាល់នោះពិតជាចូលទៅហើយ។

ទន្ទឹមនឹងនេះក្នុងការប្រកួតរវាងអេស្ប៉ាញ និងក្រិក ក៏បន្សល់ទុកភាពចម្រូងចម្រាស។ កាលណោះក្រុមទាំង២ស្មើគ្នា២ទល់នឹង២ ដែលអេស្ប៉ាញនាំមុខមុន។ ក្រិកទទួល​បានបាល់១១ម៉ែត្រ ដោយមិនមាន VAR ហើយក៏អាចយកពិន្ទុបានពីអេស្ប៉ាញ។ ខ្សែការពារក្រុមគោជល់ Iago Martinez ថ្លែងថា ពិតជាគួរឲ្យខឹងខ្លាំង ហើយថា ប្រសិនបើមាន VAR ប្រាកដជាគ្មានរឿងនេះទេ៕