ចំណងរវាង Raphael Varane និង Real Madrid រយៈពេល១០ឆ្នាំអាចនឹងឈានដល់ការកាត់ផ្ដាច់នាពេលឆាប់ៗខាងមុខ។

សារព័ត៌មាន Marca រាយការណ៍ថា Real Madrid កំពុងពិចារណាលក់ខ្សែការពារជម្រើសជាតិបារាំងខាងលើនាដំណាច់រដូវកាល២០២០/២០២១។ កិច្ចសន្យារបស់គេនឹងអស់សុពលភាពក្នុងខែមិថុនា ឆ្នាំ២០២២ ហើយក្រុមអធិរាជសមិនមានបំណងបន្តឡើយ។

MADRID, SPAIN – OCTOBER 21: Raphael Varane of Real Madrid CF controls the ball during the UEFA Champions League Group B stage match between Real Madrid and Shakhtar Donetsk at Estadio Alfredo Di Stefano on October 21, 2020 in Madrid, Spain. (Photo by Denis Doyle/Getty Images)

ក្រុមលោក Zinedine Zidane ចង់ឲ្យកីឡាករវ័យ២៨ឆ្នាំខាងលើស្វែងរកទ្រនំថ្មីឲ្យហើយ ព្រោះមិនចង់ឲ្យគេចាកចេញទាំងគ្មានតម្លៃខ្លួន។

អ្នកជំនាញទីផ្សារដោះដូរ លោក Fabrizio Romano និយាយថា Manchester United, PSG, Chelsea និង Juventus សុទ្ធតែចង់បាន​  Varane ខណៈ Real Madrid ចង់លក់តម្លៃ៥០លានអឺរ៉ូ។ បើតាម Transfer Market តម្លៃខ្លួនរបស់គេ គឺ៧០លានអឺរ៉ូ។

Varane បានចូលរួមជាមួយ Real Madrid ពី Lens កាលឆ្នាំ២០១១ តម្លៃ១១លានអឺរ៉ូ។ គេរួមចំណែកឈ្នះពានទាំងតូច និងធំ១៨គ្រឿង ដោយរួមបញ្ចូល La Liga ២លើក និង UEFA Champions League ៤ដង៕