Arsenal បានយកឈ្នះ Burnley ០ទល់នឹង១ក្នុងការប្រកួតក្របខណ្ឌ Premier League នៅថ្ងៃសៅរ៍ ទី១៨ ខែកញ្ញា ដែលរកបានដោយបាល់ហ្វ្រីឃីករបស់​ Martin Odegaard ក្នុងវគ្គទី១។ គ្រាន់តែចប់ការប្រកួតភ្លាម អ្នកគាំទ្រក្រុមទាំង២បានប៉ះទង្គិចគ្នាភ្លែត។

ពេលសម្លេងកញ្ចែបន្លឺឡើង អ្នកគាំទ្រទាំង២ចាប់ផ្ដើមចោលរបស់របរដាក់គ្នានៅកន្លែងអង្គុយ។ ប្រភពមួយថា ភាគីទាំង២បានតឹងសរសៃដាក់គ្នាតាំងពីមុនការប្រកួតចាប់ផ្ដើមម្ល៉េះ។

គេជឿជាក់ថា អ្នកគាំទ្រ Burnley បានចាប់ផ្ដើមឈុតឆាកប្រយុទ្ធមុន ដោយសារតែខកចិត្តចំពោះបរាជ័យ។ ក្រុមកម្លាំងសន្តិសុខបានចូលអន្តរាគមន៍ក្នុងស្ថានភាពដ៏តានតឹងនេះ។

បើតាមសារព័ត៌មាន Talk Sports ពុំមានករណីរបួសធ្ងន់ធ្ងរឡើយពីការប៉ះទង្គិចគ្នា៕