ក្រោយដឹកនាំ Tottenham Hotspur បានជាងមួយឆ្នាំមក លោក Jose Mourinho ទទួល​បានលទ្ធផលបរាជ័យក្នុងដីច្រើនបំផុតក្នុងការប្រកួតក្របខណ្ឌ Premier League។

បរាជ័យ១ទល់នឹង៣ដោយសារ Liverpool មានន័យថា ជាលើកទី៦ហើយដែល Spurs ចាញ់ក្នុងដីខ្លួនឯងពីការប្រកួត២៣លើកក្រោមការដឹកនាំដោយអ្នកចាត់ការ Jose Mourinho។ ទិន្នន័យនេះគិតតែការប្រកួតក្របខណ្ឌកំពូលក្នុងស្រុកប៉ុណ្ណោះ។

លោក Mourinho មិនដែលចាញ់ច្រើនបែបនេះទេតាំងពីធ្វើគ្រូបង្គោលមក។ កាលនៅដឹកនាំ Chelsea លោកមិនចាញ់សោះ៧៧ប្រកួតជាប់គ្នាក្នុងដីនៅ Premier League។ លោកចាញ់តែ៥ដងប៉ុណ្ណោះពីការដឹកនាំ២លើក ពោល២០០៤ដល់២០០៧ និង២០១៣ដល់២០១៥។

កាលនៅ Manchester United លោក Mourinho ចាញ់៤ដង, នៅ Real Madrid ៣ដង និង FC Porto ម្ដង៕