(BC-99)

ក្រោយ​ពី​មាន​ពាក្យចាចាមអារ៉ាម​ជា​ច្រើន​ស្តី​ពី​ក្រុមបិសាចក្រហម Manchester United ទិញ​កីឡាករ​ជា​ហូរហែរ​នា​ពេល​កន្លង​មក​នេះ​គេក៏​ឃើញ​មាន​ដំណឹង​ថ្មី​មួយ​ទៀត​ទាក់​ទង​ទៅ​នឹង​ក្រុម​នេះ​បាន​​និង​កំពុងសម្លឹង​ឃើញ​ខ្សែការពារ​ Ajax គឺកីឡាករ Nicolas Tagliafico ។

តាម​រយៈ​ The Sun បាន​ចុះ​ផ្សាយ​អោយ​ដឹង​ថា United កំពុងឃ្លាំមើលខ្សែ​ការពារ​ Tagliafico ជាជម្រើសថ្មី​របស់​ខ្លួន​ក្រោយ​ពី​បាន​ធ្វើ​ការ​ចែរចូវ​កីឡាករ​ Alex Telles ដែល​ពុំ​ទាន់​ទទួល​បានចម្លើយនៅ​ឡើយ​​ពី​ក្លិប FC Porto ​។

United ចង់​បាន​កីឡាករ​ផ្នែក​ការពារ​ជា​ចាំ​បាច់​បន្ទាប់ពីខ្សែការពារស្លាប​ឆ្វេង Luke Shaw របស់​ខ្លួន​ចេញ​មក​ទទូច​អោយ​មាន​កីឡាករ​ថ្មី​យក​មក​ពង្រឹង​ក្រុម​បន្ថែម​ជាពិសេស​គឺ​នៅ​តំណែង​របស់​គេ​តែ​ម្តង​។

Tagliafico នឹង​មាន​សេរីភាពក្នុងការចាកចេញពី Ajax នៅរដូវក្តៅនេះក្នុងតំលៃប្រហែល ២៣ លានផោន។ កីឡាករវ័យ ២៨ ឆ្នាំរូបនេះក៏​ស្ថិតក្នុងបញ្ជីចង់​បាន​របស់ Leicester ជាអ្នកជំនួស Ben Chilwell ដែល​បាន​ផ្លាស់​ទៅ​ Chelsea ផងដែរ។