Guendouzi ធ្វើការស្នើសុំផ្ទេរចេញពីកាំភ្លើងធំ Arsenal
(BC-99)
L’Equipe បានចុះផ្សាយថាខ្សែបម្រើ Matteo Guendouzi បានទាមទារដោយផ្ទាល់មាត់នូវការផ្ទេរចេញពី Arsenal អោយបានមុនពេលទីផ្សារដោះដូរត្រូវបិទ។
មានក្លឹបជាច្រើនមកពី អេស្ប៉ាញ អ៊ីតាលី និង បារាំង ជាដើមផងសុទ្ធសឹងតែបានបង្ហាញចំណាប់អារម្មណ៍ពួកផងខ្លួនទៅលើកីឡាករ បារាំង របស់កាំភ្លើងធំ Arsenal Guendouzi ទោះបីមិនកីឡាកររូបនេះមិនទាន់មានឈ្មោះលេងអោយក្រុមក៏ដោយ។
កីឡាករវ័យ ២១ ឆ្នាំរូបនេះមិនបានបង្ហាញខ្លួនអោយអ្នកចាត់ការក្រុមកាំភ្លើងធំលោក Mikel Arteta នៅ២ប្រកួតដំបូងនាដើមរដូវកាលនេះនៅឡើយទេ។ កាលពីសប្តាហ៍មុន Arteta បាននិយាយថា៖ “Matteo បានហ្វឹកហាត់ដូចកីឡាករដទៃទៀតនៅក្នុងក្រុមដែរ។ វាជារដូវកាលថ្មីហើយយើងមានការសន្ទនាវិជ្ជមានមួយចំនួនរវាងភាគីទាំងពីរ ឥឡូវនេះគេបានត្រលប់មកក្រុមវិញហើយ ហើយគេកំពុងហ្វឹកហាត់យ៉ាងល្អ។ កាលពីសប្តាហ៍មុនគេបានទៅប្រទេសបារាំង ដើម្បីប្រកួតឲ្យក្រុមជម្រើសជាតិអាយុក្រោម ២១ ឆ្នាំ។ គេលេងបានល្អឡើងវិញហើយ គេក៏អាចលេងបានល្អនៅទីនេះដែរ” ។
បើទោះជាមានការនិយាយសរសើរពីកីឡាកររូបនេះមែន ក៏លោក Arteta ហាក់ដូចជាមិនទាន់ពេញចិត្តពេញថ្លើមដាក់ឲ្យរូបគេលេងជាមួយក្រុមនៅឡើយដែរ ហើយកត្តានេះហើយដែលបានចង្អុលថាវាជាមូលហេតុដែលធ្វើឲ្យ Matteo Guendouzi ចង់ចាកចេញពីក្លិបមួយនេះទៅស្វែងរកកន្លែងណាថ្មីមួយទៀតដែលរូបគេអាចសាងអនាគតបានភ្លឺស្វាងជាងនេះ។
