ប្រធានដឹកនាំកីឡាករគុនខ្មែរប្រកួតនៅក្រៅប្រទេសលោក ជា រិទ្ធិ ត្រៀមរៀបចំឯកសារផ្សេងៗរបស់ ឈុត សេរីវាន់ថង ដើម្បីដាក់ទៅកាន់ស្ថាប័ន One Championship ដើម្បីមានឱកាសចូលរួមប្រកួត ។

ឈុត សេរីវាន់ថង បានបង្ហើបយ៉ាងខ្លីថា លោកគ្រូ ជា រិទ្ធិ បានទាក់ទងដើម្បីបំពេញប្រវត្តិរូបផ្ញើទៅកាន់ស្ថាប័ន One Championship ប៉ុន្តែមិនដឹងថាពេលណាបានប្រកួតនោះ ។

កីឡាករ ឈុត សេរីវ៉ាន់ថង

រាហ៊ូមាស បន្ថែមថាអ្វីដែលសំខាន់គឺការពង្រឹងសមត្ថភាពខ្លួនឯងអោយខ្លាំងជាមុនសិន មុនពេលការប្រកួតសំខាន់មកដល់នាថ្ងៃណាមួយ ។

សូមបញ្ជាក់ថា ឈុត សេរីវាន់ថង ជាកីឡាករស្ថិតក្នុងលំដាប់ជួរមុខរបស់កម្ពុជាលើប្រភេទទម្ងន់ ៦០គីឡូក្រាមដែលមានអាយុ ២០ឆ្នាំ កំពុងហ្វឹកហាត់នៅក្លិប រាហ៊ូកីឡាខេត្តបាត់ដំបង ធ្លាប់ឈ្នះពាន ISI និងមេដាយប្រាក់ ព្រឹត្តិការណ៍កីឡាជាតិ ផងដែរ ៕