បើយោងតាមសារព័ត៌មាន Gazette Dello Sport បានចេញផ្សាយឲ្យដឹងថា ខ្សែប្រយុទ្ធ Cristiano Ronaldo កំពុងតែជំរុញអោយ Juventus ទិញយកខ្សែប្រយុទ្ធរបស់ Wole គឺកីឡាករ Raul Jimenez។

គួរបញ្ជាក់ថា Raul Jimenez ក៏ត្រូវបានគេរាយការណ៍មកថាកំពុងឋិតក្នុងការចរចាររបស់ក្រុមបិសាចរក្រហម Manchester Uinted ដោយក្នុងនោះសារព័ត៌មានក្នុងប្រទេសព័រទុយហ្កាល់បានលោកឡើងថា Wole បានចុះហត្ថលេខាទិញយកខ្សែប្រយុទ្ធថ្មី គឺកីឡាករ Paulinho ដើម្បីជំនួសតំណែង Jimenez រួចទៅហើយ។

តាមពិតទៅកីឡាករសញ្ជាតិម៉ិចស៊ិចកូរូបនេះត្រូវបានផ្សារភ្ជាប់ជាយូរមកហើយក្នុងការផ្លាស់ប្តូរមកកាន់ទឹកដី Old Trafford នារដូវក្តៅខាងមុខនេះ ដោយក្នុងនោះលោក Ole ក៏មានបំណងចង់បាន Jimenez មកជួយប្រយុទ្ធនៅតំបន់ខាងលើ ព្រោះដោយសារទម្រង់ប្រយុទ្ធរបស់ក្រុមនៅមិនទាន់រឹងមាំនៅឡើយ។ សរុបមក ទាំងក្រុម Juventus និង Manchester United កំពុងឋិតក្នុងការចរចារចង់បានកីឡាកររូបនេះដូចគ្នា តែលទ្ធផលជាក់ស្តែងគឺនៅមិនទាន់ដឹងច្បាស់នៅឡើយទេ៕