(BC-99)

ខ្សែប្រយុទ្ធ Antoine Griezmann របស់ក្លឹប Barcelona បានរងរបួសសាច់ដុំភ្លៅដែល​អាច​បណ្តាល​អោយ​រូប​គេខក​ខាន​មិន​ជួយ​ក្រុម​រហូត​ដល់​រដូវ​កាល​ថ្មី​។

នា​ជំនួប​រវាង​ Barcelona ដែល​បាន​ប្រកួត​ឈ្នះម្ចាស់​ផ្ទះ Real Valladolid ១-០ កាលពីថ្ងៃសៅរ៍គេ​ឃើញ​​កីឡាករ​របស់​បារាំង Antoine Griezmann ត្រូវបានជំនួសដោយកីឡាករ Luis Suarez នៅ​តង់​ទី​១ ។ ការធ្វើតេស្តវេជ្ជសាស្រ្តកាលពីថ្ងៃអាទិត្យបានបង្ហាញថា Griezmann បានទទួល​រង​ការ​ខូចខាតគន្លាក់​សាច់ដុំភ្លៅខាងស្តាំរបស់ខ្លួន​ហើយកំពុងប្រឈមនឹងអាការៈមិនស្រួល។

ម្ចាស់ជើងឯកបាល់ទាត់ពិភពលោកឆ្នាំ ២០១៨ ដែលជាការចុះហត្ថលេខាលើទឹកប្រាក់ ១២០ លានផោនពីក្លិប Atletico Madrid កាលពីឆ្នាំមុនទំនងជាខកខានការប្រកួតលីកនៅថ្ងៃព្រហស្បតិ៍ជាមួយក្រុម Osasuna នៅកីឡដ្ឋាន Camp Nou ឬ​ក៏ត្រូវ​ការ​ពិនិត្យ​និងសម្រាក​ព្យាបាល​​លើស​ពី​នេះ។

Griezmann រកបានតែ ៩ គ្រាប់ប៉ុណ្ណោះក្នុងការបង្ហាញខ្លួន ៣៥ ប្រកួតអំឡុងរដូវកាលដំបូងដ៏លំបាកជាមួយ Barca ។ រូប​គេត្រូវបានបញ្ឈប់ពីបញ្ជី​ឆ្មោះ​១១​នក់​ដំបូងដោយគ្រូបង្វឹក Quique Setien ក្រោយ​ពី​គេ​អាច​ជួយ​អោយ​ក្រុម​ Barcelona ទទួល​បាន​ត្រឹម​តែ​លទ្ធផលស្មើ ២-២ ជាមួយ Celta Vigo និង Atletico កាលពីខែមុន។ ប៉ុន្តែក្រោយ​ពី​អាច​រកគ្រាប់បាល់បញ្ចូលទីវិញក្នុងជ័យជម្នះ ៤-១ លើក្រុម Villarreal កាលពីថ្ងៃទី ៥ ខែកក្កដានេះ​ទើប​ធ្វើ​អោយ​គេ​ជាប់​ជា​ជម្រើស​ដំបូង​វិញ​ហើយ​ក៏ត្រូវ​ទទួល​រង​របួស​បែប​នេះ​តែ​ម្តង​។