ក្លិបបាល់ទាត់ BG Pathum United ត្រូវបានរាយការណ៍ថា មានគម្រោងផ្ទេរយកខ្សែប្រយុទ្ធ Diogo Luis Santo ពីជើងឯកក្របខណ្ឌកំពូលម៉ាឡេស៊ី Johor Darul Ta’zim។

អតីតតារាឆ្នើមក្លិប Buriram United ដែលធ្លាប់ទាត់ចូលក្នុងប្រកួតមិត្តភាពចាញ់ Cambodia All Stars កាលឆ្នាំ២០១៦ កំពុងបង្ហាញភាពលេចធ្លោនៅម៉ាឡេស៊ី តែគេកិច្ចសន្យារបស់គេនៅសល់ត្រឹម៦ខែទៀតទេ។ ប្រសិនបើការទាក់ទងនេះជោគជ័យ គេអាចនឹងចូលរួម Thai League 1 ដោយឥតគិតថ្លៃនៅជើងទីពីរ។

Digo បានចំណាយពេល៤រដូវកាលនៅ Buriram United ពី២០១៥ ដល់២០១៨ ដោយរកបាន១០១គ្រាប់ពីការប្រកួត១០៥លើក និងរួមចំណែកលើកពានធំៗចំនួន៦គ្រឿង។

មួយរយៈចុងក្រោយ BG Pathum បាននាំយកតារាឆ្នើមយ៉ាងច្រើន ដូចជាអតីតខ្សែការពារ Buriram United គឺ Andres Tunez និង Sarach Yooyen ដែលជាអតីតប្រធានក្រុម Muangthong United៕