អតីតខ្សែបម្រើប្រេស៊ីល Ronaldinho ត្រូវបានអាជ្ញាធរប៉ូលិសរបស់ប្រទេសប៉ារ៉ាហ្គាយចាប់ខ្លួនកាលពីខែមីនា បន្ទាប់ពីរូបគេបានបន្លំធ្វើលិខិតឆ្លងដែនជាជនជាតិប៉ារ៉ាហ្គាយដោយប្រឈម នឹង ជាប់ ពន្ធនាគារ រយៈពេល៦ខែ។

យ៉ាងណាក្តី វីរបុរសបាល់ទាត់ក្រុមរហស្សនាមសាំ និងបងប្រុសត្រូវ​បាន​ដោះលែង​ចេញ​ពី​ពន្ធនាគារ​​ក្នុង​ប្រទេស​ប៉ារ៉ាហ្គាយ​ហើយ ដោយ​ប្ដូរ​ទៅ​ឃុំ​ខ្លួន​នៅ​សណ្ឋាគារ​វិញ បន្ទាប់ពីបាន​បង់​ប្រាក់តម្កល់​អស់​១,៣​លាន​ផោន។

ដោយឡែកក៏មានព័ត៌មានជាច្រើនបានចុះផ្សាយថា ការចាកចេញពីពន្ធនាគាររបស់ Ronaldinho គឺដោយសារតែមានការជួយជ្រោមជ្រែងរបស់អតីតមិត្តរួមក្រុម Lionel Messi ផងដែរ ដោយម្ចាស់ពានរង្វាន់ Ballon d’Or ៦សម័យគឺជាអ្នកបង់ប្រាក់ដម្កល់។

ទីបំផុត ប្រធានក្រុម FC Barcelona បានចេញមុខមកបកស្រាយហើយដោយរូបគេបានបង្ហោះសារនៅក្នុងបណ្តាញសង្គមរបស់ខ្លួនថាជារឿងកុហុក ដោយបុរសកូន៣បានសរសេរសារភ្ជាប់ថា៖ “ព័ត៌មានក្លែងក្លាយ! រឿងកុហុកទី១ Messi ផ្លាស់ទៅ Inter Milan ហើយព័ត៌មានកុហកទី២ Messi បានផ្តល់ប្រាក់ទៅជួយ Ronaldinho។ អរគុណព្រះដោយគ្មាននរណាម្នាក់ជឿរឿងអស់ហ្នឹង។”