មុនការប្រកួតឈានចូលមកដល់នៅថ្ងៃស្អែកនេះកីឡាករគុនចម្រុះ Gustavo Balart បានប្រាប់កីឡាករកម្ពុជា ចាន់ រតនា ថារូបគេនឹងឈ្នះសម្រាប់ការប្រកួតរវាង អ្នកទាំងពីរក្នុងស្ថាប័ន One Championship ដែលធ្វើឡើងនៅម៉ោង ៥ ល្ងាចថ្ងៃទី ១៦ សីហា នេះនាទីក្រុងបាងកក ប្រទេសថៃ ។

កីឡាករគុយបាដែលប៉ះគុនខ្មែរ ចាន់ រតនា បាននិយាយមុនការប្រកួតថា រូបគេនឹងយកឈ្នះកីឡាករគុនខ្មែរ ចាន់ រតនា ក្នុងជំនួបនេះ ខណៈ ចាន់ រតនា ក៏បាន ប្រាប់មុនប្រកួតថា រូបគេបានត្រៀមយ៉ាងល្អសម្រាប់ការប្រកួតនេះដោយបានហ្វឹកហាត់ពង្រឹងសមត្ថភាពត្រៀមគ្រប់យ៉ាង ។

Balart ជា​ម្ចាស់​មេដាយ​មាស​កីឡា​ចំបាប់​ព្រឹត្តិការណ៍ Pan American Game  ដែលមាន​បទពិសោធន៍​ប្រកួត MMA ១០​ដង ឈ្នះ​៨ ចាញ់​២ ចំណែក ចាន់ រតនា ២ប្រកួតចុងក្រោយផ្តួលដៃគូអោយសន្លប់ទាំង២ដង ៕