យោងទៅតាមការចុះផ្សាយរបស់ OKDIARIO បានឲ្យដឹងថា Zidane បាននិយាយដោយផ្ទាល់ជាមួយកីឡាករបិសាចក្រហម Manchester United Paul Pogba ដើម្បីប្រាប់រូបគេថា ប្រសិនបើមក Real Madrid រូបគេនឹងក្លាយជាកីឡាករដ៏សំខាន់នៅក្នុងរដ្ឋធានីអេស្ប៉ាញ ហើយ Pogba ក៏បាននិយាយតបវិញថា យល់ព្រម មេ។ តាមប្រភពដដែរ ក៏បានបញ្ជាក់បន្ថែមទៀតថា ឥឡូវនេះប្រធានក្លឹប Real Madrid កំពុងតែចរចាជាមួយក្លឹប បិសាចក្រហម Manchester United ដើម្បីសម្រេចទិសដៅបន្តបន្ទាប់របស់ Zidane។ តាមពិតទៅ Zidane ធ្លាប់បានចរចាទិញយក Pogba ពីសេះបង្កង Juventus កាលពីឆ្នាំ២០១៦ម្តងហើយ ប៉ុន្តែត្រូវបាន Man UTD ដេញថ្លៃ១១៥លានអឺរ៉ូបានមុន។

ចុះឈ្មោះ និង ដាក់ប្រាក់ជាមួយ 188asia ឥឡូវនេះដើម្បីទទួលបានប្រាក់បន្ថែមរហូតដល់ 100$

តាមប្រភពសារព័ត៌មានជាច្រើនធ្លាប់បានចុះផ្សាយថា កីឡាករសញ្ជាតិបារាំងរូបនេះពិតជាចាប់អារម្មណ៍ទៅរស់នៅជាមួយជនរួមជាតិរបស់គេនៅអេស្ប៉ាញពិតមែន ព្រោះរូបគេធ្លាប់បាននិយាយហើយថា អធិរាជស គឺជាកន្លែងដែលកីឡាករគ្រប់ៗរូបចង់រស់នៅជាមួយ។ តែទោះបីជាយ៉ាងណា ការចង់បាន Pogba ពីសំណាក់លោក Zidane វាគឺជារឿងដ៏ពិបាកមួយ ព្រោះថាបិសាចក្រហមគ្មានចំណាប់អារម្មណ៍ក្នុងការលក់ប្រុសម៉ៅរូបនេះឲ្យទៅអធិរាជសឡើយ។ ចំណែកឯខាងបិសាចក្រហមវិញក៏ធ្លាប់និយាយដែរថា Pogba គឺមិនត្រូវបានលក់ទៅកាន់ក្លឹបណាឡើយ ព្រោះរូបគេកំពុងមានទម្រង់លេងល្អក្រោមការដឹកនាំដោយគ្រូបង្វឹកពេញសិទ្ធ Ole Gunnar Solskjear។ ប៉ុន្តែបើយោងតាមប្រភព The Sun បានឲ្យដឹងថា Real Madrid ហ៊ានឲ្យ១៤៥លានអឺរ៉ូ ប្រសិនបើ Man UTD ព្រមលក់៕