កាលពីម្សិលមិញ ខ្សែ​ប្រយុទ្ធ ចាន់ វឌ្ឍនាកា ​សម្រេចនៅក្នុង​ការ​ផ្ទេរ​ទៅ​កាន់​ក្លឹប​ថ្មី PKNS FC ​នៃក្របខណ្ឌកំពូលម៉ាឡេស៊ី ក្រោយពីធ្វើការចរចារគ្នានៅលើលក្ខខ័ណ្ឌផ្សេងៗអស់រយៈពេល១ខែ។

នេះជាលើកទី២ហើយដែលសមាជិករបស់ក្រុមគោព្រៃកម្ពុជាបានទៅប្រកបអាជីពនៅលីគកំពូលម៉ាឡេស៊ី បន្ទាប់ធ្លាប់ចំណាយពេលជើងទី១នៅរដូវកាល២០១៨ ជាមួយ Pahang FA មុនវិលមកបឹងកេតសារជាថ្មីវិញ។

យ៉ាងណាក្តី សម្រាប់ការផ្ទេរទៅកាន់ PKNS FC នៅទឹកដីម៉ាឡេស៊ីជាលើកទី២នេះ អ្នកគាំទ្ររបស់កម្ពុជាជាច្រើនបានបញ្ចេញមតិរបស់ពួកគេតាមបណ្តាញសង្គមដោយរំពឹងថាម្ចាស់អាវលេខ១១របស់ក្រុមជម្រើសជាតិកម្ពុជានឹងធ្វើបានល្អជាងកាលប្រកបអាជីពនៅក្រៅប្រទេសលើកមុនៗផងដែរ។

ចុះឈ្មោះ និង ដាក់ប្រាក់ជាមួយ 188asia ឥឡូវនេះដើម្បីទទួលបានប្រាក់បន្ថែមរហូតដល់ 100$ ព្រមទាំងប្រូម៉ូសិនជាច្រើនទៀត

គួរឲ្យដឹងដែរថា ក្រៅពី PKNS ក៏មានក្លិបមួយចំនួនទៀតនៅម៉ាឡេស៊ី និងថៃ បានព្យាយាមទាក់ទងចាន់ វឌ្ឍនាកា ផងដែរ ប៉ុន្តែរូបគេបានសម្រេចជ្រើសរើសយក PKNS ដោយសារតែទទួលបានលក្ខខណ្ឌដ៏ល្អប្រសើរ ប៉ុន្តែមិនអាចលម្អិតឲ្យដឹងជាក់លាក់បាន។

រូបភាព៖ Boeung Ket Football Club