កាលពីខែឧសភាឆ្នាំមុន  Zinedine Zidane បាន​ធ្វើឲ្យ​ពិភពលោក​ទាំងមូល មានការ​ភ្ញាក់ផ្អើល​ជាខ្លាំង តាមរយៈការ​ប្រកាស​លាចេញ​ពីតំណែងជាអ្នក​ចាត់ការទូទៅក្រុម​អធិរាជស Real Madrid ដែលទើបតែលើកពានរង្វាន់ UEFA Champions League បានរយៈពេល១សប្តាហ៍ក្រោយឈ្នះ Liverpool ៣ទល់នឹង១នៅវគ្គផ្តាច់ព្រ័ត។

យ៉ាងណាក្តីគិតមកទល់ពេលនេះ Real Madrid នៅមិនទាន់អាចរកបេក្ខភាពអ្នកចាត់ការរូបណាដ៏សាកសមដើម្បីមកជំនួសកៅអីរបស់បុរសជនជាតិបារាំងខាងលើនេះនៅលើទេ ខណៈអតីតគ្រូបង្វឹក Julen Lopetegui ត្រូវបានបណ្តេញចេញពីតំណែងក្រោយដឹកនាំក្រុមមិនបានល្អនៅពាក់កណ្តាលរដូវកាល ហើយគ្រូបង្វឹកថ្មី Santiago Solari ក៏មិនទាន់បានបញ្ចេញស្នាដៃអ្វីជាដុំកំភួននៅឡើយដូចគ្នា។

ចុះឈ្មោះ និង ដាក់ប្រាក់ជាមួយ 188asia ឥឡូវនេះដើម្បីទទួលបានប្រាក់បន្ថែមរហូតដល់ 100$ ព្រមទាំងប្រូម៉ូសិនជាច្រើនទៀត

ដោយឡែកអតីតប្រធានក្លឹប Real Madrid លោក Ramon Calderon បានបង្ហើបពីមូលហេតុពិតដែលធ្វើឲ្យ Zinedine Zidane សម្រេចចិត្តចាកចេញពី Real Madrid ដោយមិនស្តាយស្រណោះថា៖ “Zidane បានស្នើទៅលោក Florentino Perez ឲ្យរក្សា Cristiano Ronaldo នៅបន្តទៀតហើយលក់ Gareth Bale ចេញវិញ ប៉ុន្តែប្រធានក្លឹប​បានធ្វើផ្ទុួយពីគម្រោងរបស់គេ។ ដូច្នេះគេមានតែចាកចេញប៉ុណ្ណោះ។”

ក្រោយពីការចាកចេញរបស់ Zinedine Zidane ខ្សែប្រយុទ្ធ Cristiano Ronaldo ក៏បានបញ្ចប់ការផ្ទេរពី Real Madrid ទៅកាន់ក្រុមសេះបង្កង់ Juventus ក្នុងតម្លៃ១០៥លានអឺរ៉ូនៅខែកក្កដាកាលពីឆ្នាំទៅដោយរូបគេទទួលបានថ្លៃនឿយហត់៥សែនផោនក្នុងមួយសប្ដាហ៍អំឡុងកិច្ចសន្យារយៈពេល៤ឆ្នាំ។

គួររំលឹកថា ក្នុងអំឡុងពេល ៣ ឆ្នាំក្នុងការដឹកនាំ Real Madrid លោក Zinedine Zidane ឈ្នះពានជាមួយក្លឹបដល់ទៅ ៨ ពាន ក្នុងនោះរួមមានពាន Champions League ៣ឆ្នាំជាប់គ្នា ពានលីគកំពូលអេស្ប៉ាញ (រដូវកាល ២០១៦-១៧) ពាន UEFA Super Cup ២លើក FIFA Club World Cup ២ដង និង Supercopa de Espana មួយលើកផងដែរ៕