អាសង្ហាគុនខ្មែរ ឡៅ ចន្ទ្រា នឹងត្រូវជួបអ្នកប្រដាល់ថៃ កងមឿងឆាង ដែលជាខ្លាំងរបស់ប្រទេស ថៃនៅថ្ងៃសៅរ៍ ទី ០៥ ខែ មករា ឆ្នាំ ២០១៩ ។

អ្នកគាំទ្រជាច្រើនចង់អោយអ្នកទាំងពីរប៉ះគ្នាក្រោយពីអ្នកប្រដាល់ថៃធ្លាប់មកប្រកួតនៅទឹកដីកម្ពុជា បានម្តងដោយចាញ់ពិន្ទុ រឿង សោភ័ណ្ឌ ទាំងមិនអស់ចិត្ត ។ ចំណែកអ្នកប្រដាល់គុនខ្មែរនៃក្លិប ឆ័ត្រយោង ៩១១ កំពុងខ្លាំងនាពេលបច្ចុប្បន្ននេះដោយមិនទាន់ចាញ់នោះទេ សម្រាប់ការ ប្រកួតរបស់គេនៅមួយរយៈចុងក្រោយមកនេះ ជាពិសេសទើបផ្តួល កីឡាករបារាំងត្រឹមទឹក មួយនៅថ្ងៃឆ្លងឆ្នាំផងដែរ ។

សូមបញ្ជាក់ថា ជើងខ្លាំងទាំងពីរនេះនឹងជួបគ្នាលើប្រភេទទម្ងន់ ៦៧ក្នុងកម្មវិធីកំពូលអ្នកប្រដាល់ជើងឯកគោជល់ម៉ោង ៦ ល្ងាចនាសង្វៀន ស៊ី អ៊ិន ស៊ី ៕