ខ្សែប្រយុទ្ធ Antoine Griezmann បានត្រឹមនៅលេខ​៣តែ​ប៉ុណ្ណោះ​ក្នុង​បេក្ខភាព​នៃការដណ្តើម​ពានរង្វាន់​ Ballon d’Or សម្រាប់​2018 ខណៈខ្សែបម្រើ​ Luka Modric បានក្លាយជា​ម្ចាស់​ជយលាភី​ ហើយក៏ជាលើកទី១ ដែលម្ចាស់ពានមិនមែនជា Lionel Messi ឬ Cristiano Ronaldo ក្នុងពេលជាងមួយទសវត្សរ៍ចុងក្រោយនេះ។

កីឡាករវ័យ​២៧​ឆ្នាំ​បាន​ជួយឲ្យ Atletico Madrid លើក​ពាន​ UEFA Europa League និង​នាំ​បារាំង​ឈ្នះក្នុងព្រឹត្តិការណ៍ FIFA​ World Cup នៅ​រុស្ស៊ី​ រួមទាំង UEFA Super Cup ថែមទៀតផង ប៉ុន្តែ​នៅ​មិន​អាច​ក្លាយ​ជា​ម្ចាស់​ Ballon d’Or នៅឆ្នាំ​នេះ។​

សមាជិករបស់ Atletico Madrid បាន​និយាយថា ​បើ​កីឡាករ​បារាំង​មិន​អាច​ឈ្នះ​ពាន​មាន​តែ​​ Champions League សំខាន់​ជាង​ World Cup។ ​Ballon d’Or គឺ​​ពាន​បង្កើត​នៅ​ប្រទេស​បារាំង​ ហើយ​ខ្ញុំ​រីករាយ​ដែល​មាន​ឈ្មោះ​ដណ្ដើម​ពាននេះ​។ វា​គឺ​ជា​រឿង​គួរ​ឲ្យ​អស់​សំណើច​បើ​​កីឡាករ​បារាំង​មិន​ឈ្នះ​ Ballon d’Or ប្រហែល​ជា​ European Cup ធំជាង​ World Cup ហើយ។

គួរបញ្ជាក់ថា Cristiano Ronaldo ដែលផ្ទេរពី Real Madrid ទៅ Juventus បានឈរលេខរៀងទី២ ក្នុងតារាងប្រកួតប្រជែងយកពានរង្វាន់ខាងលើ ខណៈ Antoine Griezmann នៅលេខ៣ ហើយ Kylian Mbappe នៅលេខ៤ រីឯ Lionel Messi ស្ថិតនៅលេខ៥ឯណោះ៕