លេចឮដំណឹងថា Arsenal ត្រូវប៉ាន់ណាស់ដោយមានការផ្សាយអោយទស្សនាចំនួន៣សប្តាហ៍ដំបូងនៅរដូវកាលនេះ
រដូលកាលថ្មីនៃការប្រកួតប្រជែងរកម្ចាស់ជើងឯកនៃក្របខណ័្ឌបាល់ទាត់អង់គ្លេស Premier League ២០១៨-២០១៩ និងចាប់ផ្តើមជាផ្លូវការនៅថ្ងៃទី១១ខែសីហាខាងមុខនេះហើយ។ រីឯក្រុមបាល់ទាត់ទាំង២០នៅក្នុងក្របខណ័្ឌកំពូលមួយនេះក៏បានត្រៀមខ្លួនប្រកួតទៅតាមការបែងចែងនៅចុងសប្តាហ៍ថ្ងៃសៅរ៍និងអាទិត្ររួចហើយដែរ។
និយាយដោយឡែកក្រុមបាល់ទាត់កាំភ្លើងធំ Arsenal ដែលមានអ្នកគាំទ្រយ៉ាងច្រើននៅកម្ពុជាដែរនោះត្រូវបានក្រុមហ៊ុនស្ថានីយ៍ក្នុងស្រុកមួយគឺ CBS និងលើកយកមកធ្វើការផ្សាយ៣សប្តាហ៍ដំបូងនេះជាប់ៗគ្នាតែម្តងដោយសប្តាហ៍ទីមួយ Arsenal ត្រូវបើកទ្វាផ្ទះប្រកួតជាមួយម្ចាស់ការពារដំណែងរដូវកាលចាស់ Manchester City នៅយប់ថ្ងៃអាទិត្រទី១២វេលាម៉ោង២២:០០។ នាសប្តាហ៍ទី២ ក្រុមដែលដឹកនាំដោយអ្នកចាត់ការទូរទៅថ្មីគឺលោក Unai Emeri និងធ្វើជាភ្ញៀវរបស់ក្រុមតោខៀវ Chelsea នាទឹកដី Stamford Bridge នាយប់ថ្ងៃសៅរ៍ទី១៨វេលាម៉ោង២១:៣០នាទី។ ដោយឡែកសម្រាប់សប្តាហ៍ទី៣ដែលត្រូវនិងថ្ងៃសៅរ៍ទី២៥សីហាវេលាម៉ោង២១:០០ Arsenal និងត្រូវប៉ះជាមួយ West Ham។
គួរបញ្ជាក់ថា Arsenal បានបញ្ចប់យុទ្ធនាការរបស់ខ្លួននៅ Premier League រដូវកាលមុនគឺទើរត្រឹមលេខ៦មាន៦៣ពិន្ទុ ហើយចំណាត់ថ្នាក់នេះបានត្រឹមតែជួយអោយ កាំភ្លើងធំ ចូលរួមប្រកួតក្នុងក្របខណ័្ឌ UEFA EUROPA League វគ្គចែកពូលជាមួយ Chelsea ដែលជាដៃគូរតែប៉ុណ្ណោះ។
