ជា​ធម្មតា​នៅ​ក្របខណ័្ឌ​បាល់ទាត់​របស់​ប្រទេស​និមួយៗតែង​តែ​កំណត់​អោយ​មាន​ក្រុម​ដែល​ឋិត​នៅ​តំបន់​បាត​តារាង​៣​ក្រុម​ធ្លាក់​ចេញ​ និង​ទទួល​ក្រុម​ថ្មី​៣​ក្រុម​អោយ​មក​ចូល​រួម​ប្រកួត​នៅ​រដូវ​កាល​ថ្មី។  ពេល​នេះ​យើង​មក​ចាប់​អារម្មណ៍​ក្រុម​ចំនួន​៣​ដែល​បាន​ឡើង​មក​លេង​នៅ​ក្នុង​ក្របខណ័្ឌកំពូលរបស់​អង់គ្លេស Premier League ដែលមាន Wolverhampton Wanderers, Cardiff City និង​ Fulham ដូចតទៅនេះ!

៣-Fulham

• បាន​ឡើង​មក​ឆ្នាំ​នេះ​ដោយ​សារ​តែ​ប្រកួត​ជាប់​នៅ​វគ្គ Play Off ក្រោយពី​ឈ្នះ Aston Villa ១-0
• រហ័សនាម The Cottagers ​អ្នក​ភូមិ ឬ Lily Whites ព្រលិតស
• Fulham បាន​ធ្លាក់​ចេញ​ពី​ Premier League នៅ​រដូវ​កាល​ ២០១៣-២០១៤
• ក្រុម​នេះ​ធ្លាប់​ឡើង​ដល់​វគ្គ​ផ្តាច់ព្រ័ត្រ​ UEFA EUROPA League ម្តង​នៅ​ឆ្នាំ​២០១០តែ​ក៏​ត្រូវ​ចាញ់​ក្រុម AT Madrid ២-១នៅ​ម៉ោង​បន្ថែម
• ជា​ក្រុម​ដែល​បង្កើត​ឡើង​នៅ​ឆ្នាំ ១៨៧៩
• ទីលាន Craven Cottage ដែល​អាច​ផ្ទុក​អ្នក​ទស្សនា​បាន​ចំនួន ២៥៧០០កៅអី។

២-Cardiff City

• បានឡើង​មក​លេង Premier League ដោយ​សារ​ជាប់​ចំណាត់​ថ្នាក់​លេខ​២​នៅ League Championship
• Cardiff City ជា​ក្រុម​បាល់​ទាត់​របស់​ប្រទេស​វែល
• ក្រុម​នេះ​បានធ្លាក់​ចេញ​ពី​ Premier League នៅ​រដូវ​កាល​ ២០១៣-២០១៤ដំណាល​គ្នា​ជា​មួយ Fulham
• រហ័សនាម ត្រចៀកកាំខៀវ
• ធ្លាប់ឈ្នះ FA Cup ម្តង​នៅ​ឆ្នាំ ១៩២៧
• ជា​ក្រុម​ដែលបង្កើតនៅ​ឆ្នាំ ១៨៩៩
• ទីលាន Cardiff City Stadium ដែល​អាច​ផ្ទុក​អ្នក​ទស្សនា​បាន​ចំនួន ៣៣២៨០ កៅអី

១- Wolverhampton Wanderers

• បាន​ឡើង​មក​លេង​ Premier League ក្រោយ​ពី​ឈ្នះ​ជា​ជើង​ឯក​នៅ League Championship
• ជាក្រុម​ដែល​ធ្លាក់​ចេញ​ពី​ Premier League នៅរដូវ​កាល ២០១១-២០១២
• រហ័សនាម ក្រុមចចក
• ធ្លាប់​ឈ្នះពានក្របខ័ណ្ឌកំពូល3ដង, FA Cup ៤ដង, ឡើង​ដល់វគ្គ​ផ្តាច់​ព្រ័ត្រ​ UEFA Cup ម្តង​នៅ​ឆ្នាំ១៩៧២​ តែ​ត្រូវ​ចាញ់​ក្រុម Tottenham Hotspur ២-៣
• ជា​ក្រុម​ដែលបង្កើតនៅ​ឆ្នាំ ១៨៧៧
• ទីលាន Molineux Stadium ដែល​អាច​ផ្ទុក​អ្នក​ទស្សនា​បាន​ចំនួន ៣១៧០០ កៅអី

សូម​រង់​ចាំតាមដាន​​ក្រុម​ចំនួន៣ផ្សេង​ទៀត​ដែល​បានឡើង​មក​លេង​នៅ​ក្រប​ខណ័្ឌ​កំពូល​របស់​អេស្ប៉ាញ La Liga នៅ​ថ្ងៃ​ស្អែក។