ក្រោយពីការប្រកាសឡើងសង្វៀនសារជាថ្មីរបស់អ្នកប្រដាល់គុនខ្មែរ វ៉ន វីវ៉ា ឥឡូវនេះសង្វៀនCBSបានគូផ្គង់ម្ចាស់ខ្សែក្រវាត់ISKA ប្រកួតលក្ខណមិត្តភាពអន្តរជាតិជាមួយអ្នកប្រដាល់មកពីប្រទេសថៃ ភិតសាណាន់ លើប្រភេទទំងន់៨១គីឡូក្រាម ស្របពេលដែលកីឡាករ សែម ណាង (ឡុង សំណាង ) ត្រូវប្រកួតសងសឹកជួសមុខឲ្យអោយអ្នកប្រដាល់គុនខ្មែរ ដោយត្រូវប៉ៈជាមួយអ្នកប្រដាល់ថៃ ហ្វុនឡូង ដែលទើបតែប្រកួតដណ្តើមប្រាក់លានឈ្នះ ផាន់ គ្រាន់ ។

ជាមួយគ្នានេះដែរ កំពូលអ្នកប្រដាល់គុនខ្មែរគីឡូម៉ែត្រលេខ៦ សួន ចាន់នី (សូត្រ ប៊ុនធី) ក៏ត្រៀមខ្លួនស្វាគមន៌កូនសិស្សលោក ស៊ីតប៊ុនមី គឺ ម៉ៃ សុទ្ធប៉េឡេបុរីរាំ ខណៈដែល ឡុង សុវណ្ណឌឿន ចាប់ដៃគ្នា ជាមួយ កូយ ឡាយ ស្វាគមន៌អ្នកប្រដាល់អន្តរជាតិដោយ ឡុង សុវណ្ណឌឿន ប្រកួតជាមួយកីឡាករបារាំង Julien និង កូយ ឡាយប្រកួតជាមួយ លំណាវ សរតនារុងរោត រួមជាមួយការប្រកួតគូសន្សំពិន្ទុខ្សែក្រវាត់គោជល់ជាច្រើនទៀត ។ សូមបញ្ជាក់ថាការប្រកួតដណ្តើមពានរង្វាន់កំពូលអ្នកប្រយុទ្ធកណ្តាប់ដៃដែក ISI Palm នឹងធ្វើឡើងនៅថ្ងៃទី៩ ខែមិថុនា ខាងមុខនេះហើយ ដោយសប្តាហ៍នេះគឺនៅធ្វើការប្រកួតមិត្តអន្តរជាតិជាធម្មតា៕ ខាងក្រោមនេះគឺជាតារាងប្រកួតចុងសប្តាហ៍នេះ…

ថ្ងៃសុក្រសង្វៀន MYTV 8 pm- 10 pm.

ថ្ងៃសៅរ៍សង្វៀន CNC 5:30 pm តទៅ…

ISI PALM(CNC) 11:00 – 1:30(ថ្ងៃអាទិត្យ)

1- វ៉ន វីវ៉ា ប្រកួតជាមួយ ភិតសាណាន់ (ថៃ)

2- សែម ណាង ប្រកួតជាមួយ ហ្វុនលួង​ ។

សង្វៀន CNC ស្រាបៀរប្លេកខេត 2:45pm តទៅ…