Mbappe ចុះកុងត្រាជាមួយ Real ហើយ
សារព័ត៌មាន BBC រាយការណ៍ថា Kylian Mbappe បានចុះកិច្ចសន្យារួចរាល់ហើយដើម្បីចូលរួមជាមួយ Real Madrid ចាប់ពីថ្ងៃទី០១ ខែកក្កដា ឆ្នាំ២០២៤ តទៅ ដែលនេះជាការផ្ទេរដោយឥតតម្លៃខ្លួន ពេលកិច្ចសន្យារបស់គេនៅ Paris Saint Germain នឹងត្រូវអស់សុពលភាពចាប់ពីថ្ងៃទី៣០ ខែមិថុនា។
ខ្សែប្រយុទ្ធជម្រើសជាតិបារាំងខាងលើបានព្រមព្រៀងផ្ទាល់មាត់កាលពីខែកុម្ភៈ ផ្ទេរទៅ Bernabeu ហើយក៏បានប្រកាសថា នឹងចាកចេញពី PSG នាដំណាច់រដូវកាលកន្លងទៅ។
គេរំពឹងថា Real Madrid នឹងប្រកាសពីការផ្ទេររបស់ Mbappe នៅសប្ដាហ៍ ហើយបង្ហាញជាផ្លូវការមុន Euro 2024៕
