អ្នកចាំទី Thibaut Courtois នឹងវិលទៅកីឡដ្ឋាន Stamford Bridge សាជាថ្មីសម្រាប់ការប្រកួត UEFA Champions League វគ្គ៨ក្រុមជើងទី១ ពេល Real Madrid របស់គេប៉ះក្រុមចាស់ Chelsea។

កីឡាករជម្រើសជាតិបែលហ្ស៊ិកសង្ឃឹមថា នឹងមិនទទួលការឌឺដងពីអ្នកគាំទ្រក្រុមតោខៀវទេ។

Real Madrid រំពឹងថា នឹងអាចសងសឹក Chelsea ដែលពួកគេធ្លាប់ចាញ់ក្នុងវគ្គពាក់កណ្ដាលផ្ដាច់ព្រ័ត្រពានធំខាងលើនៅរដូវកាលមុន។

Courtois លើកឡើង “៖ខ្ញុំសង្ឃឹមថា ពួកគេនឹងមិនឌឺដងខ្ញុំទេ តែខ្ញុំក៏មិនដឹងដែរ។ ខ្ញុំត្រៀមខ្លួនរួចរាល់សម្រាប់អ្វីដែលត្រូវប្រឈម។ ខ្ញុំសង្ឃឹមថា វានឹងក្លាយជាការវិលត្រលប់ដ៏រីករាយ។ ឥឡូវយើងជាគូប្រជែង។ ខ្ញុំចង់ឈ្នះ តែក៏មិនបាច់បានការទះដៃពីអ្នកគាំទ្រទេ។”

គួរដឹងដែរថា Thibaut Courtois បានផ្លាស់ពី Chelsea ទៅ Real Madrid រដូវកាល២០១៨/២០១៩៕