Arsenal មានបំណងបន្ថែមខ្សែបម្រើម្នាក់ទៀតអំឡុងទីផ្សារដោះដូរកីឡាករនារដូវរងាខាងមុខនេះ ហើយបានកំណត់ Kalvin Phillips ក្នុងរ៉ាដារបស់ខ្លួន។

ខ្សែបម្រើជម្រើសជាតិអង់គ្លេសដែលបច្ចុប្បន្នលេងឱ្យ Manchester City ចង់លេងបានច្រើន ហើយអាចពិចារណាចូលរួមជាមួយ Arsenal ប្រសិនបើក្រុមលោក Mikel Arteta អាចធានាឱកាស។

ការមកដល់របស់ Kalvin Phillips ទៅកាន់ Arsenal អាចជាផ្នែកមួយនៃផែនការរបស់ក្លិបដើម្បីជំនួសខ្សែបម្រើអ៊ីតាលី Jorginho ដែលហាក់ដូចជាមិនស្ថិតក្នុងផែនការរបស់ Arteta នៅដើមរដូវកាលនេះ។

Phillips ជាកីឡាករសំខាន់ម្នាក់កាលនៅ Leeds United មុនពេលចូលរួមជាមួយ Manchester City។ គេទើបតែបង្ហាញខ្លួនបាន២ប្រកួតប៉ុណ្ណោះនៅលីគកំពូលអង់គ្លេសេរដូវកាលនេះ៕