Conor McGregor បាននិយាយនៅក្នុងវីដេអូមួយដែលបានបង្ហោះនៅលើទំព័រផ្ទាល់ខ្លួនពីគ្រោះថ្នាក់ចរាចរណ៍ដែលទើបតែជួបប្រទះថា “ខ្ញុំស្ទើរតែស្លាប់ទៅហើយ។”

អ្នកប្រដាល់ MMA ដែលមានរហស្សនាមថា “The Notorious” បាននិយាយថា គេត្រូវបានបុកពីក្រោយពេលកំពុងជិះកង់នៅលើផ្លូវ។ អ្នក​ប្រដាល់​ជនជាតិ​អៀរឡង់​រូប​នេះ​បាន​ថត​រូប​ខ្លួន​ឯង​បន្ទាប់​ពី​គ្រោះ​ថ្នាក់។ គេហាក់ដូចជាដកដង្ហើមខ្លីៗ ហើយញ័រ។ វីដេអូដែលថតបានដោយ McGregor បង្ហាញពីខោរបស់គេរហែក បង្ហាញពីរបួសនៅខាងក្រោយភ្លៅ។

ពេលនោះ McGregor បាន​ឡើង​ចូលទៅក្នុង​រថយន្ត ហើយ​បាន​និយាយ​ខ្លី​ជាមួយ​អ្នកបើកបរ​ដែល​បង្ក​គ្រោះថ្នាក់​។ បុរសនោះបានប្រាប់ McGregor ថា “ខ្ញុំពិតជាសោកស្តាយ” ។

ជា​ការ​ឆ្លើយ​តប អ្នក​ប្រដាល់​វ័យ​៣៤​ឆ្នាំ​បាន​លាន់​មាត់​ថា “៖ ខ្ញុំស្ទើរតែ​​ស្លាប់ទៅហើយ។ ទោះយ៉ាងណាក៏ដោយ McGregor ក៏បានលួងចិត្តអ្នកបើកបរថា “អ្វីៗប្រសើរហើយ។ មិនបាច់បារម្ភទេ។”

នៅលើទំព័រផ្ទាល់ខ្លួនរបស់គាត់ McGregor បានសរសេរថា “៖ថ្មីៗនេះខ្ញុំត្រូវរថយន្តបុកពីក្រោយ។ អ្នកបើកបរមើលមិនឃើញ ព្រោះចាំងថ្ងៃ។ រថយន្តបានបើកមករកខ្ញុំក្នុងល្បឿនលឿនគួរសម។ អរគុណព្រះ ខ្ញុំសុខសប្បាយជាទេ។”