ក្រុមជ័យវរ្ម័នទី៧របូតពិន្ទុលើកដំបូងក្នុងពានជើងឯកវិទ្យាល័យរដូវកាលនេះ
ក្រុមបាល់ទាត់វិទ្យាល័យជ័យវរ្ម័នទី៧ បានត្រឹមស្មើ១ទល់នឹង១ជាមួយក្រុមវិទ្យាល័យពងទឹក នៃការប្រកួតពានរង្វាន់ជើងឯកវិទ្យាល័យ រដូវកាល២០២៣ សប្ដាហ៍ទី០៥ នៅថ្ងៃពុធ ទី២៧ ខែកញ្ញា ឆ្នាំ២០២៣។
ពុំ ច័ន្ទរស្មី ជាអ្នករកគ្រាប់បាល់ឱ្យក្រុមជ័យវរ្ម័នទី០៧ ក្នុងនាទី៣៧។ តែចូលដល់វគ្គទី២ នាទី៧៨ ប្រធានក្រុមពងទឹក ផង សុខហៀង ស៊ុតបញ្ចូលទីតាមស្មើដោយបាល់១១ម៉ែត្រ។
ដូច្នេះ កំណត់ត្រា១០០ភាគរយរបស់ក្រុមជ័យវរ្ម័នទី៧ បានបញ្ចប់ត្រឹមសប្ដាហ៍ទី០៥ ពោលគឺ៥ប្រកួតដំបូង ឈ្នះ៤ និងស្មើ។
ដោយឡែក នៅថ្ងៃព្រហស្បតិ៍ ទី២៨ ខែកញ្ញា មានឫស្សីកែវជួបជាស៊ីមសាមគ្គី នៅជ្រោយចង្វារ, បឹងត្របែកទទួលភ្ញៀវឥន្ទ្រទេវី និងកោះដាច់ប៉ះភ្នំពេញថ្មីនៅច្បារអំពៅ៕
