Major League Soccer បាន​បញ្ចប់​កិច្ច​សន្យា​របស់​ខ្សែ​បម្រើ​ក្រុម Montreal កីឡាករ Matko Miljevic បន្ទាប់​ពី​មាន​ការ​អះអាង​ថា​ គេ​បាន​លេង​ឱ្យ​ក្រុម​ស្ម័គ្រចិត្តមួយ​ក្រោម​ឈ្មោះ​ក្លែងក្លាយ។

របាយការណ៍ដែលបង្ហាញក្នុងប្រទេសកាណាដា ក៏បានចោទប្រកាន់កីឡាកររូបនេះ និងត្រូវបានហាមឃាត់ដោយគ្មានកំណត់សម្រាប់ការដាល់គូប្រកួតខណៈពេលលេងក្នុងក្រុមស្ម័គ្រចិត្តនោះ។

MLS បាននិយាយថា គេកំពុង “ចូលរួមក្នុងការប្រព្រឹត្តអាក្រក់ចំពោះលីគ និងរំលោភលើកិច្ចព្រមព្រៀងស្តង់ដារកីឡាករ។”

ក្រុង Montreal បានបញ្ជាក់ថា កីឡាករអាមេរិកវ័យ២២ឆ្នាំរូបនេះលែងនៅជាមួយក្លិបទៀតហើយ។

លោក Hernan Losada គ្រូបង្វឹកក្រុម Montreal កាលពីសប្តាហ៍មុនបានបញ្ជាក់ថា ការស៊ើបអង្កេតកំពុងដំណើរការបន្ទាប់ពីមានរបាយការណ៍។

មានការអះអាងថា Miljevic បានលេង៣ប្រកួតសម្រាប់ក្រុមរបស់មិត្តម្នាក់នៅក្នុងលីគស្ម័គ្រចិត្ត Quebec ដោយស៊ុតបញ្ចូលទីបាន៦គ្រាប់ ក្រោយមិនសូវបានលេងនៅ Montreal។

Miljevic បានបង្ហាញខ្លួនដោយការប្ដូរចូល៨ដងសម្រាប់ Montreal នៅរដូវកាលនេះ៕