លោក Simon McMenemy គ្រូបង្គោលវិសាខាថ្លែងថា នឹងប្រាប់កូនក្រុមត្រូវបំំភ្លេចការឈឺចាប់នៅ Super Cup ចោលមុនប៉ះភ្នំពេញក្រោនសាជាថ្មីក្នុងការប្រកួត Cambodian Premier League នៅថ្ងៃអាទិត្យ ទី១៧ ខែកញ្ញា ឆ្នាំ២០២៣។

គ្រូបង្វឹកជនជាតិស្កុតលែនថ្លែងបែបនេះ “៖ ការប្រកួតស្អែកនេះ ពិតណាស់គឺជាការប្រកួតមួយដ៏ធំ ដោយ​សារ​ក្រុមធំៗ​ពីរ​ត្រូវ​ជួប​គ្នា ហើយ​បទ​ពិសោធ ដែល​យើង​ចាញ់​ពួក​គាត់ ក្នុង​ពាន Super Cup កន្លង​មក គឺ​ជា​ការ​ឈឺ​ចាប់​មួយ ដោយ​សារ​យើង​បាត់​បង់​ការ​ប្រ​មូល​​អារម្មណ៍​ប្រមាណ ៧-៨នាទី​ចុង​ក្រោយ និង​របូត​គ្រាប់​បាល់​ប៉េ​ណាល់​ទី ។ ឥលូវ​ខ្ញុំ​បាន​ឲ្យ​ក្រុម​បំភ្លេច​រឿង​ចាស់​ចោល ហើយ​យើង​នឹង​ប្រើ​បទ​ពិ​សោធន៍ ដើម្បី​លេង​ទល់​ជា​មួយ​ពួក​គាត់ ដែល​ជា​ក្រុម​ខ្លាំង​មួយ និង​ដឹង​ពី​របៀប​លេង​ដើម្បី​ឈ្នះ ។ អ៊ី​ចឹង​ថ្ងៃស្អែក យើង​នឹង​ប្រើ​ប្រាស់​អ្វី​ដែល​យើង​មាន ប្រើ​ចំណុច​ខ្លាំង​ដែល​យើង​មាន ដើម្បី​លេង​ជា​មួយ​ពួក​គាត់ ។ ការ​ប្រ​កួត​ថ្ងៃ​ស្អែក​នេះ នឹង​ក្លាយ​ជា​ការ​ប្រ​កួត​មួយ​ដ៏​លំបាក ប្រៀប​ដូច​ជា​សម​រ​ភូមិ​មួ​យ​អញ្ចឹង។”

គួរដឹងដែរថា ភ្នំពេញក្រោនបានយកឈ្នះវិសាខាលើកពាន Super Cup 2023 មុនបើករដូវកាលថ្មី Premier League កន្លងទៅ។

ដោយឡែក ៤ប្រកួតនៅលីគកំពូលរដូវកាលនេះ ក្រុមទាំង២មាន៩ពិន្ទុដូចគ្នា៕