មកដឹងប្រាក់ឈ្នួល Ramos ពេលត្រលប់ទៅ Sevilla វិញ
Sergio Ramos បានចូលរួមជាមួយ Sevilla ក្រោយចាកចេញអស់១៨ឆ្នាំ ដែលកាលណោះគេបានទៅ Real Madrid។
អតីតខ្សែការពារជម្រើសជាតិអេស្ប៉ាញបានចុះកុងត្រា១ឆ្នាំនៅ Sevilla។ គេថា នេះជាថ្ងៃដ៏ពិសេស ដែលបានវិលទៅកាន់ក្រុមចាស់ ហើយនឹងព្យាយាមអស់ពីសមត្ថភាពដើម្បីជួយក្រុម។
ដោយឡែក សារព័ត៌មាន Mundo Deportivo រាយការណ៍ថា Ramos បានបដិសេធសំណើក្លិបនៅអារ៉ាប៊ីសាអ៊ូឌីតដែលហ៊ានផ្ដល់ដល់គេនូវប្រាក់ឈ្នួល២០លានអឺរ៉ូក្នុងមួយឆ្នាំ ដោយគេយកត្រឹមជាង១លានអឺរ៉ូក្នុងមួយឆ្នាំនៅ Sevilla៕
