អ្នកគាំទ្រជាង៦ម៉ឺននាក់នៃក្រុមជើងឯកលីគកំពូលអារ៉ាប៊ីសាអូឌីត Al-Ittihad បានស្វាគមន៍តារាឆ្នើមរបស់បារាំង Karim Benzemaនៅកីឡដ្ឋាន Al-Jawhara នៃ King Abdullah Sports City ក្នុងក្រុង Jeddah កាលពីយប់ថ្ងៃព្រហស្បតិ៍។

Benzema គឺជាតារាលំដាប់ពិភពលោកបន្ទាប់ពី Cristiano Ronaldo ចូលរួមលីគកំពូល Saudi Pro League ។ នៅរដូវកាលក្រោយ អ្នកគាំទ្រនឹងបានឃើញការប្រកួតប្រជែងដ៏ទាក់ទាញរវាងមិត្តជិតស្និទ្ធពីរនាក់ដែលធ្លាប់ពាក់អាវ Real Madrid ។

មុននោះ Cristiano Ronaldo បានបង្ហាញខ្លួនជាលើកដំបូងនៅកីឡដ្ឋាន Al Nassr ដែលមានអ្នកចូលរួមទស្សនាម២៥០០០នាក់ ប៉ុណ្ណោះ។ នាពេលខាងមុខនេះ អ្នកគាំទ្រក្រុមឆ្នូតលឿង និងខ្មៅ ក៏អាចឃើញការបង្ហាញខ្លួនលើកដំបូងរបស់កីឡាករលំដាប់ខ្ពស់ម្នាក់ទៀតដែរ គឺ N’Golo Kante៕