ខ្សែប្រយុទ្ធ Kylian Mbappe និង Lionel Messi ទំនងជានឹងត្រលប់មកជួយ Paris Saint Germain ក្នុងជំនួបជាមួយ Bayern Munich ជើងទីមួយវគ្គ១៦ក្រុម UEFA Champions League នៅថ្ងៃទី១៥ ខែកុម្ភៈ។

សារព័ត៌មាន L’Equipe បានរាយការណ៍ថា Mbappe បានត្រលប់មកហ្វឹកហាត់វិញនៅទីស្នាក់ការកណ្តាលរបស់ PSG ត្រឹមតែ 3 ថ្ងៃមុនពេលតំណាង Ligue 1 ជួបជាមួយ Bayern ក្នុងជើងទីមួយនៃក្របខណ្ឌ Champions League វគ្គ១៦ក្រុម នៅ Parc des Princes ។ .

ប្រភពពីបារាំងបានវាយតម្លៃថា Mbappe ជិតជាសះស្បើយហើយ និងអាចលេងបាន។ កាលពីមុន ខ្សែប្រយុទ្ធវ័យ២៤ឆ្នាំបានរងរបួសសរសៃពួរក្នុងការប្រកួតជាមួយក្រុម Montpellier កាលពីថ្ងៃទី០២ ខែកុម្ភៈ ហើយបានខកខានការប្រកួតចំនួន៣លើកតទល់ Toulouse, Marseille និង Monaco ។

ទន្ទឹមនឹងនោះ Telefoot បាននិយាយថា ការជាសះស្បើយពីរបួសរបស់ Messi ក៏ដំណើរការល្អផងដែរ។ គេក៏អាចចូលរួមក្នុងសមរភូមិដ៏ធំនាពេលខាងមុខទល់នឹង Bayern៕