Tottenham Hotspur នឹងមិនបន្តកុងត្រាថ្មីជាមួយអ្នកចាត់ការ Antoni Conte មានន័យថា លោកនឹងចាកចេញបន្ទាប់ពីរដូវកាល ២០២២/២៣។

សារព័ត៌មាន Sky Italy ផ្សាយថា ​លោក Conte នឹង​ចាក​ចេញ​ពី​ក្លិប​ដោយ​សារ​តែ​ការ​មិន​ចុះ​សម្រុង​នឹងថ្នាក់​ដឹក​នាំ​ Tottenham។ កិច្ចសន្យារបស់លោកនឹងផុតកំណត់នៅខែមិថុនា ឆ្នាំ ២០២៣ ប៉ុន្តែភាគីទាំងពីរមិនទាន់ឈានដល់កិច្ចព្រមព្រៀងស្តីពីការបន្ត។ អតីត​គ្រូ​បង្វឹក Juventus ខ្លួន​ឯង​ក៏​បាន​សម្ដែង​ការ​ខក​ចិត្ត​ចំពោះ​របៀប​ធ្វើការរបស់ Spurs។

អ្នក​កាសែត Gianluca Di Marzio ក៏​បាន​បញ្ជាក់​ផង​ដែរ​ថា “៖ Conte នឹង​ចាក​ចេញ​ពី Tottenham នៅ​ចុង​រដូវ​កាល។”

គ្រូ​បង្វឹក Conte ចង់​កសាង​ក្រុម​ខ្លាំង​មួយ​ដោយ​មាន​គោល​ដៅ​ដណ្តើម​យក​ពាន​ឆាប់ៗ​នេះ។ គំនិត​នេះ​ប្រឆាំង​នឹង​ថ្នាក់ដឹកនាំ។ ប្រធានក្លិប Daniel Levy ចង់​អភិវឌ្ឍ​កីឡាករ​ក្មេងៗ​សម្រាប់​អនាគត និង​បង្កើន​ប្រាក់​ចំណូល​សម្រាប់​ក្រុម​ពី​ការ​លក់​កីឡាករ​ឧទាហរណ៍​ក្នុង​ករណី​របស់ Gareth Bale, Kyle Walker, Luka Modric, Dimitar Berbatov។

លើសពីនេះ គ្រួសាររបស់ Conte នៅតែស្ថិតក្នុងប្រទេសអ៊ីតាលី។ នេះ​ក៏​ជា​ហេតុផល​មួយ​ដែល​ធ្វើ​ឱ្យ​គាត់​មិន​សូវ​ចង់​នៅ​ជាមួយ​ក្រុម Tottenham ដែរ៕